کبڈی ورلڈکپ: پاکستان کا فاتحانہ آغاز کینیڈا کو پہلے ہی میچ میں بڑے مارجن سے شکست دے دی
لاہور: کبڈی ورلڈکپ: پاکستان کا فاتحانہ آغاز کینیڈا کو پہلے ہی میچ میں بڑے مارجن سے شکست دے دی ،اطلاعات کےمطابق کبڈی ورلڈکپ کے پہلے میچ میں پاکستان نے کینیڈا کو شکست دے کرفاتحانہ آغازکرکے پاکستانیوں کے لیے خوشی کا سماں پیدا کردیا
لاہور میں کبڈی کے عالمی میلے کا آغاز رنگا رنگ تقریب سے ہوگیا ہے جہاں افتتاحی تقریب کے مہمان خصوصی وزیراعلی پنجاب عثمان بزدار نے مقابلوں کے آغاز کا اعلان کیا۔ کبڈی ورلڈ کپ 2020 کی رنگا رنگ افتتاحی تقریب میں اسپیکر پنجاب اسمبلی چوہدری پرویز الٰہی بھی شریک ہوئے
افتتاحی تقریب کے بعد پہلا مقابلہ پاکستان اور کینیڈا کی ٹیموں کے درمیان ہوا جہاں پاکستان نے حریف ٹیم کو باآسانی شکست دے دیدی۔ پاکستان نے 24 کے مقابلے میں 64 پوائنٹس سے کامیابی حاصل کی اور شاندار فتح کے ساتھ ٹورنامنٹ کی شروعات کی۔ دوسرا میچ ایران اور سرالیون کے درمیان کھیلا جائے گا۔ خیال رہے کہ پاکستان میں کبڈی کا عالمی ورلڈکپ 16 فروری تک جاری رہے گا اور میگا ایونٹ میں بھارت سمیت 9 ممالک کی ٹیمیں شریک ہیں۔