پاکستان اور بھارت کے درمیان کشیدگی بڑھنے کا خدشہ ہے،خواجہ آصف

وزیر دفاع خواجہ آصف نے کہا ہے کہ پاکستان اور بھارت کے درمیان کشیدگی میں مزید اضافے کا امکان موجود ہے، تاہم پاکستان اپنے قومی مفادات کو مدنظر رکھتے ہوئے ہر فیصلہ خود کرے گا۔

باغی ٹی وی کے مطابق میڈیا سے خصوصی گفتگو میں خواجہ آصف کا کہنا تھا کہ پاکستان کسی دباؤ یا افواہ کی بنیاد پر نہیں بلکہ اپنے قومی مفادات کی روشنی میں پالیسیاں مرتب کرتا ہے۔ انہوں نے بتایا کہ موجودہ کشیدہ صورتحال میں چین اور سعودی عرب سمیت کئی بڑی طاقتیں کشیدگی کم کرنے کے لیے متحرک ہیں۔وزیر دفاع نے بھارت کے رویے پر تحفظات کا اظہار کرتے ہوئے کہا کہ جعلی واقعات کو بنیاد بنا کر نئی کارروائیاں کرنا ناقابل قبول ہے۔

ان کا کہنا تھا کہ ایسے معاملات کو مرحلہ وار نہیں بلکہ مستقل بنیادوں پر حل ہونا چاہیے۔خواجہ آصف نے واضح کیا کہ پاکستان خطے میں امن کا خواہاں ہے، لیکن قومی خودمختاری اور سلامتی پر کوئی سمجھوتہ نہیں کیا جائے گا۔

ننکانہ : ریسکیو 1122 کی موک ایکسرسائز، ہنگامی حالات سے نمٹنے کی مشق