پاکستان چائلڈ پورنوگرافی میں کون سے نمبر پر ہے؟ شیریں‌ مزاری نے بڑا دعویٰ کر دیا

https://baaghitv.com/pakistan-child-pornography-main-ist-no-par-ay-sherin-mazari/

وفاقی وزیر انسانی حقوق شیریں مزاری نے دعویٰ کیا ہے کہ پاکستان چائلڈ پورنوگرافی میں پہلے نمبر پر ہے. بچوں سے زیادتی کے واقعات بڑھ رہے ہیں.

باغی ٹی وی کی رپورٹ کے مطابق شیریں‌ مزاری نے کہاکہ ہم بچوں سے اسکول یا گھر کسی سطح پر بات نہیں کرتے. سرکاری اسکول میں مہم چلائی جائے. بچوں سے زیادتی کے واقعات معاشرے کی تمام طبقات میں ہو رہے ہیں. چائلڈ پورنوگرافی کا عذاب معاشرے کے ہر طبقے میں ہوتا ہے. بچوں سے زیادتی کی جو شکایات آئیں گی اس کا جائزہ لیا جائے گا. افسوس زینب ایکٹ بل پارلیمنٹیرین کمیٹی میں پھنسا ہوا ہے. بچوں کو تشدد سے بچائے بغیر ترقی بےمعنی ہے.

رپورٹ کے مطابق تقریب سے خطاب کرتے ہوئے شیریں‌ مزاری نے کہاکہ کمیٹی کے چیئرمین بلاول بھٹو ہیں ،اس بل میں کوئی سیاسی بات نہیں. امید ہے بل جلد اسمبلی میں واپس آئے گا. تقریب سے خطاب کرتے ہوئے شہزاد رائے نے کہاکہ جنسی زیادتی کے معاملے پر والدین بچوں کے ساتھ بات کریں. نفسیاتی رکاوٹوں کو توڑنے کی ضرورت ہے. پاکستان میں ہر 5 میں سے ایک شخص جنسی زیادتی کانشانہ بنتاہے. بچوں کے ساتھ’’رویہ بدلو‘‘مہم کا آغاز کردیاگیا ہے.

جواب چھوڑیں

آپ کا ای میل ایڈریس شائع نہیں کیا جائے گا.