خاتون ایس ایچ او نے 2 ماہ میں 200 سے زائد ہراساں کرنے کے کیسز نمٹا دیے

لاہور: پاکپتن کی پہلی ایس ایچ او خاتون آفیسر نے 200 سے زائد ہراساں کرنے کے کیسز صرف 2 ماہ میں نمٹا کر تاریخ رقم کردی.

تفصیلات کے مطابق کلثوم فاطمہ نامی ایس ایچ او نے صرف 2 ماہ میں 200 سے زائد ہراساں کرنے کے کیسز نمٹا دیے. اس حوالے سے کلثوم فاطمہ نے کہا کہ یہ ان کیلئے اعزاز کی بات ہے کہ انہوں نے اس چھوٹے سے دورانیے میں 200 سے زائد کیسز نمٹا دیے ہیں. انہوں نے مزید کہا کہ یہ انتہائی خوشی کا لمحہ ہے کہ وہ عورتوں کو انصاف دلانے میں اہم کردار ادا کر رہی ہیں. انہوں نے مزید کہا کہ وہ اس مشن کو مستقبل میں بھی جاری رکھیں گی. دوسری جانب ڈی پی او پاکپتن عبادت ناصر جنہوں نے کلثوم فاطمہ کو ایس ایچ او مقرر کیا تھا، ان کا کہنا تھا کہ پاکپتن پولیس میں مزید خواتین کی شمولیت پولیس کی ترقی میں اہم کردار ادا کرے گی.