پاکستان انویسٹمنٹ کانفرنس کا امریکہ میں انعقاد، گورنر سندھ کی خصوصی شرکت

پاکستان انویسٹمنٹ کانفرنس کا امریکہ میں انعقاد 4 سے 6 ستمبرتک ہوا۔ کانفرنس میں پاکستان بزنس کونسل اور پندرہ بروکریج ہاوسز کے نمایندے کانفرنس میں شریک ہوئے۔
پاکستانی سفیر اسد مجید کا گورنر سندھ کے اعزاز میں ظہرانہ
گورنر سندھ عمران اسماعیل نے اپنے دورہ امریکہ کے حوالے سے بتایا کہ دورے کا مقصد پاکستانی تاجروں کو امریکی تاجروں سے ملوانا تھا۔ عمران خان اور ڈونلڈ ٹرمپ کی ملاقات کے بعد تجارت کے حوالے سے ویلکم کیاگیا۔

عمران اسماعیل کے بقول پاکستان کے کم ازکم15 بڑے بزنس ہاوسزکے 35 نمایندے یہاں موجود ہیں۔ امریکی محکمہ خارجہ، کانگریس وسینیٹ اراکین،امریکی تاجروں سے ملاقات ہوئی۔
عمران اسماعیل نے مزید کہا کہ آج ون آن ون انویسٹمنٹ گروپس کےساتھ ملاقات ہوئی۔انویسٹمنٹ گروپس کےساتھ ملاقاتوں میں پاکستان میں سرمایہ کاری کے مواقع کے بارے میں بتایا۔
عمران اسماعیل نے پاکستانی سفیر علی جہانگیرصدیقی کے حوالے سے کہا کہ علی جہانگیرصدیقی نے ہرملاقات میں بڑا مثبت کردارادا کیا۔