پاکستان کے بدنام زمانہ ٹھگ پی ڈی ایم کی چھتری تلے جمع ہیں، ڈاکٹر فردوس عاشق اعوان کی کڑی تنقید

لاہور: وزیراعلیٰ پنجاب عثمان بزدار کی معاون خصوصی برائے اطلاعات ڈاکٹر فردوس عاشق اعوان نے پریس کانفرنس کی ہے

پریس کانفرنس کرتے ہوئے ڈاکٹر فردوس عاشق اعوان نے کہا کہ پاکستان کے بدنام زمانہ ٹھگ پی ڈی ایم کی چھتری تلے جمع ہیں. یہ ٹھگ ایک بار پھر پاکستان کو نوچنے کیلئے اقتدار کے لئے بے قرار ہیں. انہوں نے کہا کہ وزیراعظم عمران خان کے ہوتے ہوئے ان ٹھگوں کی دال نہیں گلے گی. ڈاکٹر فردوس عاشق اعوان کا کہنا تھا کہ اڑھائی برس کے دوران کرپشن کا ایک بھی اسکینڈل سامنے نہیں آیا ہے، پاکستان تحریک انصاف کی حکومت کا کریڈٹ ہے.

انہوں نے کہا کہ وزیراعظم عمران خان اور وزیراعلیٰ پنجاب سردار عثمان بزدار نے شفافیت کی نئی مثال قائم کی ہے، وزیراعظم عمران خان اور وزیراعلیٰ عثمان بزدار کے ہوتے ہوئے اب کوئی قومی وسائل میں خیانت کی جرات نہیں کرسکتا ہے. انہوں نے کہا کہ راجکماری اور شہزادہ وہ دن یاد کریں جب ان کے ابا جان کے ادوار میں کرپشن کے ریکارڈ قائم کیے گئے تھے،ان کے اباجان کے ادوار میں کمیشن کھائے گئے تھے، ماضی میں کرپشن کے مینار کھڑے کرکے اربوں کی لوٹ مار کی گئی تھی،ماضی میں ہر روزکرپشن کا نیا اسکینڈل سامنے آتا تھا.

ڈاکٹر فردوس عاشق اعوان نے کہا کہ مولانا نے بھی اس وقت کی بہتی گنگا میں آشنا کیا ہے.حکومت کے دور میں کرپٹ افراد کو نکیل ڈالی گئی ہے. انہوں نے کہا کہ وزیراعظم عمران خان اور وزیراعلیٰ عثمان بزدار کی دیانتدار قیادت میں ملک ترقی کررہا ہے، ملکی و غیر ملکی سرمایہ کاروں کا حکومتی پالیسیوں پر اعتماد بحال ہوا ہے.