fbpx

پاکستان کے خلاف بولنے والے بھارتی صحافی کو کشمیری بچوں کا منہ توڑ جواب

لاہور:سوشل میڈیا پر ویڈیو وائرل ہو رہی ہے جس میں کشمیری بچوں نے پاکستان کے خلاف بولنے والے بھارتی صحافی کو کرار جواب دے کر خاموش کرا دیا-

باغی ٹی وی : سوشل میڈیا پر وائرل ہوتی اس ویڈیو کوجرنلسٹ عمر جاوید نے اپنے ٹوئٹر اکاؤنٹ پر شئیر کیا ویڈیو میں کشمیری بچے پاکستان اور چین کی تعریف جبکہ بھارت سے نفر ت کا اظہار کر رہے ہیں۔


بھارتی صحافی بچوں کے ساتھ پاکستان کے بارے میں جھوٹ بولنے کی کوشش کرتا ہے کہ اگر بھارتی فوج ہٹ جائے تو پھر پاکستان آئے گا، وہ آپ لوگوں کو بم بنا کر دے گا،آپ کو پتہ ہے پاکستان میں ایسے بیٹھنا بھی مشکل ہے تو بچے کسی بھی سمجھدار سے زیادہ ذہین ثابت ہوتے ہیں اور جواب دیتے ہوئے کہتے ہیں کہ
” پاکستان ہمارے ساتھ ہے ، چین پاکستان کا ساتھ دیتاہے اور وہ ہمارا ساتھ دیتا ہےوہ ہمیں مار بھی دیں توبھی منظور ہے ۔“

بچے یہ بات کرنے کے بعد نعر ہ لگانا شروع کر دیتے ہیں کہ ” لے کر رہیں گے آزادی “ بھارتی صحافی بچوں کی باتیں سننے کے بعد تو اپنا سامنہ لے کر رہ جاتاہے اور اس کے پاس کوئی مزید جواب نہیں بچتا۔


دوسری جانب پنجاب کےگورنر چوہدری محمد سرور نے بھی اپنے ٹویٹراکاؤنٹ پر اس ویڈیو کوشئیرکیاویڈیو شیئر کرتے ہوئے گور نر چوہدری محمدسرور نے کہا کہ افواج پاکستان کی قربانیاں اس دھرتی کے ماتھے کا جھومر ہیں اور ہمیں اپنی افواج پر فخر ہے ، دنیا کی کوئی طاقت کشمیریوں کے حوصلے پست نہیں کرسکتی انشاء اللہ کشمیر ضرور آزاد ہوگا۔

گور نر چوہدری محمدسرور نے کہا کہ95ہزار سے زائد کشمیری بھارتی افواج کی دہشت گردی کا نشانہ بن چکے ہیں بندوق سے لیکر ٹینک تک استعمال کر کے بھی بھارت کشمیریوں کو دبانے میں ناکام رہا، بھارت کشمیر میں انسانی حقوق کا قتل اور دنیا کی سب سے بڑی دہشت گردی کر رہا ہے۔