fbpx

پاکستان کا قرض ادا کر سکتا ہوں اگرعمران خان مستعفیٰ ہو کر مجھے ملک چلانے کا موقع دیں وقار ذکا

پا کستانی میزبان وقار ذکا نے دعوی کیا ہے کہ اگرانہیں "ملک چلانے” کا موقع ملا تو وہ کرپٹو کرنسی کا استعمال کرکے پاکستان کا قرض ادا کرسکتے ہیں۔

باغی ٹی وی : سماجی رابطے کی ویب سائٹ ٹوئٹر پر اپنے پیغام میں وقار ذکا نے کہا کہ "میں کریپٹو کرنسی کا استعمال کرکے پاکستان کا قرض ادا کرسکتا ہوں لیکن شرط ہے کہ عمران خان کو اپنا عہدہ چھوڑ کر مجھے ملک چلانے دینا چاہئے۔


ذکا نے حکمران جماعت پاکستان تحریک انصاف( پی ٹی آئی) کے حامیوں سے بھی پوچھا کہ انہوں نے ملک کا قرض ادا کرنے کے لئے کیا کیا ہے۔

وقار ذکا نے لکھا "اگر نہیں ، تو پھر پاکستانیوں کو مطالبہ کرنا چاہئے کہ عزت ، زیتون کے پودے لگانے ، سیاحت ، انسداد بدعنوانی سے محبت کرنے والوں کا کیا حل ہے؟”

وقار ذکا نے "تمام سیاستدانوں” کو چیلینج کرتے ہوئے خود سے بہتر آئیڈیا پیش کرنے کے لئے کہا۔


وقار ذکا کی اس ٹوئٹ پر لوگوں وقار ذکا کو طنزو مزاح کا نشانہ بنایا ایک صارف نے لکھا کہ ہم عمران خان کے ساتھ قرضوں کے بوجھ تلے پاکستان میں رہنے کو ترجیح دیں گے نہ کہ وزیراعظم کی حیثیت سے آپ کے ساتھ قرضوں سے آزاد پاکستا ن میں-


ایک صارف نے تنقید کرتے ہوئے کہا دوائی کھاؤ جو ڈاکٹر نے دی ہے ایسی حرکتیں تب ہوتی ہیں جب آپ دوائیاں کھانا بھو ل گئے ہوں-


سحر نامی صارف نے لکھا ٹوئٹر بور ہو رہا تھا پھر وقار ذکا نے لطیفہ سنا دیا مجھے ملک چلانے دو یہ حصہ مجھے پسند آیا-

واضح رہے کہ وقار ذکا ریئلٹی ٹی وی شو ،لیونگ آن دا ایج سے مشہور ہوئے۔ اس سال کے شروع میں انہوں نے اپنی سیاسی جماعت کا آغاز کرنے کے لئے اپنی دستاویزات الیکشن کمیشن آف پاکستان (ECP) کو پیش کیں۔ ذکا بہت سارے معاملات میں اپنی آواز اٹھاتے رہتے ہیں جس میں امتحانات کی منسوخی اور PUBG اور ٹک ٹاک پر پابندی کا مطالبہ بھی شامل ہے۔

جواب چھوڑیں

آپ کا ای میل ایڈریس شائع نہیں کیا جائے گا.