صحافیوں کے لیے ڈیجیٹل اسکلز کورس شروع کرنے جا رہے ہیں ،ترجمان مرکزی مسلم لیگ
مرکزی مسلم لیگ کے ترجمان تابش قیوم نے کہا ہے کہ لاالہ الااللہ کے پاکستان کو امن کا گہوارہ بنائیں گے، مرکزی مسلم لیگ عید کے بعد پاکستان کی سیاسی و مذہبی جماعتوں سے رابطہ کر کے قیام امن کے لئے ملک گیر تحریک چلائے گی.خدمت کا رمضان مہم کے تحت ملک بھر میں ہزاروں سحر و افطار دسترخوان لگائے گئے ہیں، پیکا ایکٹ آزادی اظہار رائے کے خلاف، صحافیوں کے ساتھ کھڑے ہیں
ان خیات کا اظہار انہوں نے بہاولنگر پریس کلب کے دورے کے دوران صحافیوں سے بات چیت کرتے ہوئے کیا. اس موقع پر پاکستان مرکزی مسلم لیگ ضلع بہاولنگر کے سیکرٹری جنرل حافظ امیر حمزہ رافع،ترجمان مرکزی مسلم لیگ جنوبی پنجاب احمد اجمل و دیگر بھی موجود تھے، تابش قیوم کا کہنا تھا کہ پاکستان میں دہشت گردی کی اک نئی لہر آئی ہے جس سے کوئی بھی محفوظ نہیں. مرکزی مسلم لیگ قیام امن کے لئے ملک گیر تحریک چلائے گی اور پاکستان کی ہر سیاسی ،مذہبی جماعت، ہر اسٹیک ہولڈر، نوجوانوں سمیت ہر شعبہ ہائے زندگی سے تعلق رکھنے والے طبقے کو امن پر متحد کریں گے.
تابش قیوم کا مزید کہنا تھا کہ پیکا ایکٹ کی منظوری کو آزاد ی صحافت پر کاری ضرب قرار دیتے ہیں مرکزی مسلم لیگ صحافیوں کی پیشہ ورانہ ترقی اور آزادیٔ صحافت کے لیے انکے ساتھ کھڑی ہے.مرکزی مسلم لیگ پاکستان میں صحافیوں سمیت نوجوانوں کے لئے بے روزگاری کے خاتمے کا شاندار منصوبہ لے کر آ رہی ہے.ہم نوجوانوں کو ہنر سکھائیں گے، صحافیوں کے لیے ڈیجیٹل اسکلز کورس شروع کرنے جا رہے ہیں یہ ڈیجٹل اسکلز صحافیوں کو جدید دور سے ہم آہنگ کریں گے
