fbpx

پاکستان میں کورونا سے مزید118 اموات ، مثبت کیسزمیں بھی اضافہ

باغی ٹی وی کی رپورٹ کے مطابق پاکستان میں کرونا کی تیسری لہر جاری ہے، کرونا مریضوں اور اموات میں مسلسل اضافہ ہو رہا ہے

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق کورونا وائرس پاکستان میں تیزی سے پھیل رہا ہے ملک بھر میں کورونا سے اموات کا اموات کا سلسلہ جاری ہے گزشتہ 24 گھنٹوں میں کرونا سے مزید 118 اموات ہوئی ہیں-


این سی او سی کے مطابق گزشتہ روز کورونا کے 55 ہزار128 ٹیسٹ کئے گئے5 ہزار 611 نئے کیس سامنے آ گئے۔ ملک بھر میں مثبت کیسز کی شرح تقریبا 10.17 فی صد رہی۔

پاکستان میں کورونا سے اموات کی مجموعی تعداد 16 ہزار 999 تک پہنچ گئی جبکہ متاثرہ افراد کی مجموعی تعداد 7 لاکھ 90 ہزار16 ہو چکی ہے۔

کورونا وائرس پاکستان میں تیزی سے پھیل رہا ہے۔ نیشنل کمانڈ اینڈ آپریشن سینٹر کی جانب سے پاکستان کے 26 اضلاع ہائی رسک قرار دیئے گئے ہیں۔ پاکستان میں کورونا کی ویکسینیشن جاری ہے اور تیسرے مرحلے میں50تا60 سال کے درمیان عمر والے افراد کو ویکسین لگائی جا رہی ہے۔


واضح رہے کہ بھارت میں بھی کورونا کیسز کی بڑھتی ہوئی شتح کی وجہ سے کرتا پور ہر قسم کی نقل و حرکت کے لئے 16 مارچ 2020 سے بند ہے۔ مزید یہ کہ ، کوویڈ کے حالیہ اضافے کی وجہ سے ، 19 اپریل سے واہگہ بارڈر سمیت ، ہندوستان سے ہر قسم کے سفر پر پابندی عائد ہے۔

جواب چھوڑیں

آپ کا ای میل ایڈریس شائع نہیں کیا جائے گا.