پاکستان میں کورونا سے مزید 92 ہلاکتیں،مثبت کیسز میں بھی اضافہ

پاکستان میں کورونا سے مزید 92 ہلاکتیں،مثبت کیسز میں بھی اضافہ

پاکستان میں کورونا کی لہر میں شدت،24 گھنٹوں میں 92 اموات

باغی ٹی وی کی رپورٹ کے مطابق پاکستان میں کرونا کی تیسری لہر جاری ہے، کورونا مریضوں اور اموات میں مسلسل اضافہ ہو رہا ہے


نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق عالمی وبا کورونا وائرس پاکستان میں تیزی سے پھیل رہا ہے ملک بھر میں کورونا سے اموات کا اموات کا سلسلہ جاری ہے گزشتہ 24 گھنٹوں میں کرونا سے مزید 92 اموات ہوئی ہیں-

این سی او سی کے مطابق گزشتہ روز کورونا کے 51 ہزار523 ٹیسٹ کئے گئے2 ہزار28 نئے کیس سامنے آ گئے۔ ملک بھر میں مثبت کیسز کی شرح تقریبا 3.93 فی صد رہی۔

پاکستان میں کورونا سے اموات کی مجموعی تعداد 20 ہزار823 تک پہنچ گئی جبکہ متاثرہ افراد کی مجموعی تعداد 9 لاکھ 20 ہزار 898 ہو چکی ہے۔

خیال رہے کہ پاکستان میں کورونا کی ویکسینیشن جاری ہے اور پانچویں مرحلے میں30 سال سے زائد سال کے درمیان عمر والے افراد کو ویکسین لگائی جا رہی ہے جبکہ 18 سال سے زائد عمر کے افراد کی ویکسین کی رجسٹریشن جاری ہے-

واضح رہے کہ آج 3 جون بروزجمعرات سے 18 سال سے زائد لوگوں کو ویکسین لگانے کا آغاز کیا جائے گا-

Leave a reply