پاکستان میں موجود چینی شہریوں کی سیکیورٹی کے حوالے سے اہم اجلاس

ملک میں امن وامان اور پاکستان میں موجود چینی شہریوں کی سیکیورٹی کے حوالے سے اہم اجلاس ہوا

وزارت داخلہ میں جاری اجلاس کی صدارت وفاقی وزیر داخلہ رانا ثناءاللہ خان کررہے ہیں۔ امن و امان کے حوالے سے یہ اہم اجلاس وزیراعظم شہباز شریف کی خصوصی ہدایت پر بلایا گیا ہے۔وفاقی سیکریٹری داخلہ یوسف نسیم کھوکھر سمیت وزارت داخلہ کے اعلی حکام اجلاس میں موجود ہیں۔ چاروں صوبوں؛ آزاد جموں وکشمیراورگلگت بلتستان کے چیف سیکریٹریز اورآئی جی پولیس اجلاس میں شرکت کررہے ہیں۔ اجلاس میں نیشنل کوآرڈینیٹر نیکٹا، چیف کمشنر و آئی جی اسلام آباد اور دیگر قانون نافذ کرنے والے اداروں کے نمائندے شرکت کررہے۔

ملک میں امن وامان اور پاکستان میں موجود چینی شہریوں کی سکیورٹی کے حوالے سے اہم اجلاس#baaghitv #pakistan #islamabad #BREAKING @RanaSanaullahPK pic.twitter.com/4BiaGh3LEs

— Baaghi TV باغی ٹی وی (@BaaghiTV) May 20, 2022

ترجمان کے مطابق اجلاس کا مقصد ملک بھر میں امن وامان کو یقینی بنانا ہے۔ صوبائی حکومتوں سے ملکرچینی شہریوں کی سکیورٹی کیلئے اقدامات کو حتمی شکل ترتیب دینا ہے۔

واضح رہے کہ شہر قائد کراچی میں چینی شہریوں پر حملہ ہوا ہے،جامعہ کراچی میں ہونے والے حملے میں تین چینی شہری مارے گئے تھے جس کے بعد چینی شہریون کی سیکورٹی مزید سخت کرنے کا فیصلہ کیا گیا تھا

وزیراعظم شہباز شریف نے بھی کراچی دہشت گرد حملہ کی شدید مذمت کرتے ہوئے کہا تھا کہ پوری پاکستانی قوم اس دہشت گرد حملہ میں قیمتی جانوں کے ضیاع پر چین کی حکومت اور متاثرہ خاندانوں کے ساتھ غم میں شریک ہے انہوں نے کراچی دہشت گرد حملہ کی مکمل تحقیقات، اس ملوث عناصر کو جلد سے جلد گرفتار کرنے اور انہیں انصاف کے کٹہرے میں لانے کے پاکستانی عزم کا اعادہ کیا

کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی

چینی باشندوں کی جان لینے والوں کو پھانسی کے پھندے پر لٹکائیں گے،

کراچی یونیورسٹی میں ایک خاتون کا خودکش حملہ:کئی سوالات چھوڑگیا،

پاکستان میں تعینات چینی ناظم الامور مس پینگ چَن شِیؤکی وزیر داخلہ رانا ثناءاللہ سے ملاقات