پاکستان نے سینٹرل ایشین والی بال چیمپئن شپ کا ٹائٹل جیت لیا ہے

0
108
vollyball

سا ت روزہ چیمپئن شپ پاکستان سپورٹس کمپلیکس اسلام آباد میں منعقد ہوئی، جہاں فائنل میں پاکستانی ٹیم نے ترکمانستان کے خلاف زبردست کھیل کا مظاہرہ کیا۔ گرین شرٹس نے جارحانہ انداز میں کھیلتے ہوئے پچیس اکیس، پچیس انیس، بیس پچیس، اور پچیس چودہ سے فتح حاصل کی۔ پاکستان نے سینٹرل ایشین والی بال چیمپئن شپ کا ٹائٹل جیت لیا ہے۔ فائنل مقابلے میں پاکستان نے ترکمانستان کو تین ایک سے شکست دے کر یہ کامیابی حاصل کی۔چیمپئن شپ میں کرغزستان نے سری لنکا کو شکست دے کر تیسری پوزیشن حاصل کی۔ فائنل مقابلے کے دوران وفاقی وزیر منصوبہ بندی احسن اقبال نے کھلاڑیوں میں انعامات تقسیم کیے۔ پاکستان اولمپک ایسوسی ایشن کے صدر عابد قادری، سیکرٹری خالد محمود، اور مختلف ممالک کے سفرا سمیت بڑی تعداد میں شائقین نے یہ دلچسپ مقابلہ دیکھا۔پاکستان کی اس کامیابی نے نہ صرف کھیلوں کے میدان میں ملک کا نام روشن کیا بلکہ نوجوان کھلاڑیوں کے حوصلے بھی بلند کیے ہیں۔

Leave a reply