پاکستان اور انگلینڈ کے درمیان ون ڈے سیریز کا آج سے آغاز

پاکستان اور انگلینڈ کے درمیان ون ڈے سیریز کا آج سے آغاز ہورہا ہے، ۔ڈے اینڈ نائٹ ون ڈے میچ کارڈف میں کھیلا جائے گا-

باغی ٹی وی : تفصیلات کے مطابق ون ڈے سیریز کا پہلا میچ پاکستانی وقت کے مطابق شام 5 بجے شروع ہوگا، قومی کرکٹرز نے حریف کے خلاف مقابلے کے لیے بدھ کو بھرپور پریکٹس سیشن کیا۔

پاکستان کرکٹ ٹیم کے کپتان بابر اعظم کا کہنا ہے کہ پہلے ون ڈے میچ سے قبل انگلینڈ کی پوری ٹیم کے تبدیل ہونے سے مایوسی ہوئی ہے لیکن ہم اپنا مائنڈ سیٹ تبدیل نہیں کریں گے۔

قومی کرکٹ ٹیم کے بلے باز حارث روَف انگلینڈ کے خلاف ون ڈے سے باہر ہوگئے ہیں حارث روَف ہیمسٹرنگ انجری کی وجہ سے ون ڈے سیریز نہیں کھیل سکیں گے-

سیریز کا دوسرا میچ 10 جولائی کو لارڈز میں پاکستانی وقت کے مطابق دوپہر 3 بجے کھیلا جائے گا جبکہ تیسرا اور آخری میچ برمنگھم میں 13 جولائی کو کھیلا جائے گا جو کہ پاکستانی وقت کے مطابق شام 5 بجے شروع ہوگا۔

پاکستان اور انگلینڈ کے درمیان تین ٹوئنٹی میچز 16، 18 اور 20 جولائی کو ہوں گے۔