fbpx

پاکستان نےممکنہ تابکاری موادضبط کرنےکا بھارتی میڈیا کا دعویٰ مسترد کردیا:عالمی سازش کی بدبوآنےلگی

اسلام آباد:پاکستان نے ممکنہ تابکاری موادضبط کرنے کا بھارتی میڈیا کا دعویٰ مسترد کر دیا:عالمی سازش کی بدبوآنے لگی ،اطلاعات کے مطابق پاکستان نے کمرشل شیپنگ کنٹینرز سے بھارت کے مندرہ بندرگاہ پر بھارتی پورٹ حکام کی جانب سے ممکنہ تابکارمواد کی ضبطگی بارے بھارتی میڈیا کی رپورٹس کومستردکرتے ہوئے اسے خلاف حقیقت،بے بنیاد، مضحکہ خیز اور بھارتی میڈیا کی جانب سے پاکستان کوبدنام اوربین الاقوامی برادری کو گمراہ کرنے کی روایتی چال بازی کاحصہ قراردیا ہے۔

دفترخارجہ کے ترجمان عاصم افتخار کی طرف سے جاری کردہ بیان کے مطابق پاکستان نے کراچی کی بندرگاہ سے شنگھائی جانے والے کمرشل شیپنگ کنٹینرز سے بھارت کے مندرہ بندرگاہ پر بھارتی پورٹ حکام کی جانب سے” ممکنہ تابکارمواد کی ضبطگی“ بارے بھارتی میڈیا کی رپورٹس کونوٹ کیاہے۔

ترجمان نے بتایا کہ اس حوالہ سے کراچی نیوکلئیرپاورپلانٹ کے حکام نے مطلع کیا ہے کہ یہ چین واپس کئے جانیوالے وہ خالی کنٹینرز تھے جسے پہلے کے ٹو اورکے تھری نیوکلئیرپاورپلانٹس کیلئے ایندھن کی فراہمی کیلئے استعمال میں لایا گیاتھا ، کے ٹو اورکے تھری نیوکلئیرپاورپلانٹس میں جوہری توانائی کی بین الاقوامی ایجنسی آئی اے ای اے کے حفاظتی معیارات کے تحت ایندھن کا استعمال کیاجاتا ہے۔

ترجمان نے بتایا کہ کنٹینرز خالی تھے اورکارگو کو شیپنگ کی دستاویزات میں بجاطورپر اسے ”غیرخطرناک وغیرمضر“ قراردیا گیاتھا۔ترجمان نے کہاکہ بھارتی میڈیا کی ”ممکنہ تابکارمواد کی ضبطگی“ بارے رپورٹس خلاف حقیقت،بے بنیاد، مضحکہ خیز اور بھارتی میڈیا کی جانب سے پاکستان کوبدنام اوربین الاقوامی برادری کو گمراہ کرنے کی روایتی چال بازی ہے۔

ترجمان نے کہاکہ بھارتی میڈیا کی فیک رپورٹس کسٹم سے متعلق ضابطہ جاتی امورکو آئی اے ای اے کے حفاظتی معیارات کی طرف موڑنے کی بدنیتی پرمبنی کوشش ہے تاکہ جوہری پروگرام سے متعلق پاکستان کوبدنام کیا جاسکے۔

دوسری طرف اہم حلقوں نے اس بات کا خدشہ ظاہر کیا ہے کہ بھارت کی طرف سے یہ شرارت کسی بڑے کھیل کا حصہ لگتی ہے جس کے لیے پاکستان کومحتاط ہونا پڑے گا ،ان حلقوں کا یہ بھی کہنا ہےکہ وہ اس بھارتی الزام تراشی میں کسی بڑی سازش کی بومحسوس کررہے ہیں‌، اللہ تعالیٰ پاکستان کوہرقسم کی سازش سے محفوظ رکھے