سعد فاروق
پاک بھارت موجود صورتحال کے بعد پاکستان نے سفارتی برادری کو اعتماد میں لینے کا فیصلہ کیا ہے ۔
باغی ٹی وی کے مطابق ذرائع نے بتایا کہ مختلف سفارت کاروں کی جانب سے دفتر خارجہ آمد کا سلسلہ جاری ہے، یورپیین، مشرق وسطی، افریقہ، وسطی ایشیا اور ایشیا پیسفک سفارت کاروں کو طلب کیا گیا ہے، سعودی عرب، عمان، متحدہ عرب امارات، جرمنی، آذربائیجان کے سفیر بھی پہنچ گئے۔ ذرائع نے اس حوالے سے مزید بتایا کہ بھارت کی جانب سے اٹھائے کے اقدامات اور عالمی سطح پر بننے والے حالات کے بعد مختلف ممالک کے اسلام آباد میں موجود سفارت کاروں اور ہائی کمشنروں کو دفتر خارجہ طلب کر لیا گیا۔
سفارتی ذرائع کا مزید کہنا تھا کہ قطر، یورپی یونین، آسٹریلیا، ترکمانستان، ترکی، چین اور جاپان کے سفیر بھی پہنچ گئے، غیر ملکی سفیروں کو بھارتی جارحیت اورپاکستان کے جوابی اقدامات سے بھی آگاہ کیا جائے گا۔
سینئر وزیر پنجاب مریم اورنگزیب کی گاڑی کو حادثہ
تلخ کلامی،محمد رضوان اور کولن منرو پر جرمانہ
نہروں کیخلاف احتجاج: 12 ہزار گاڑیاں پھنس گئیں
