پاکستان اورجنوبی آفریقہ کے درمیان آج فیصلہ کن معرکہ

پاکستان اورجنوبی آفریقہ کے درمیان آج فیصلہ کن معرکہ

باغی ٹی وی :پاکستان اور جنوبی افریقہ کے درمیان چوتھا اور آخری ٹی 20 میچ آج کھیلا جائے گا، کپتان سمیت ٹیم کے دیگر کھلاڑی جیت کے لیے پر عزم ہیں، کہتے ہیں کہ دو ایک کی برتری سے مورال ہائی ہے، شاہین مسلسل دوسری سیریز اپنے نام کرنے کے لیے پرجوش ہیں۔

پاکستان کا دورہ جنوبی افریقہ اختتام سے ایک قدم دور، چوتھا اور آخری ٹی 20 بھی سنچورین میں شیڈول ہے۔ شام ساڑھے پانچ بجے ہی بِگل بجے گا، میدان لگے گا۔ چار میچز کی سیریز میں شاہینوں کو ایک صفر کی برتری، جیت پر نظریں جما لیں۔ تیاریاں مکمل، پلان بھی فائنل ہیں۔

پاکستان نے پہلا اور تیسرا جبکہ جنوبی افریقا نے دوسرا ٹی ٹوئنٹی میچ جیتا تھا، پاکستان کو یہ سیریز بھی اپنے نام کرنی ہے تو آج کا میچ جیتنا لازمی ہے اور اگر جنوبی افریقا میچ جیت گئی تو سیریز 2-2 سے برابر ہو جائے گی۔

ذرائع کے مطابق آخری میچ کے لیے پاکستان ٹیممیں تبدیلی کا امکان نہیں ہے، البتہ ہوم ٹیم میں ایک دو تبدیلیاں ہوسکتی ہیں۔ سینچورین میں جس وکٹ پر آخری میچ کھیلا جائے گا اُس پر بڑا اسکور متوقع ہے۔

واضح رہے کہ اس سے قبل 3 ون ڈے انٹرنیشنل میچوں کی سیریز میں پاکستان نے جنوبی افریقا کو دو ایک سے ہرایا تھا۔