لاہور:پاکستان سپر لیگ سیزن 8: ڈائمنڈ کیٹیگری کیلئے 79 غیر ملکی کھلاڑیوں کے ناموں کا اعلان،اطلاعات کے مطابق پاکستان سپر لیگ سیزن 8 کیلئے پی ایس ایل مینجمنٹ نے غیر ملکی ڈائمنڈ کیٹیگری کے کھلاڑیوں کے ناموں کا اعلان کردیا۔ پی ایس ایل 8 کی ڈرافٹنگ 15 دسمبر کو کراچی میں ہوگی۔
پاکستان سپر لیگ سیزن 8 کیلئے غیر ملکی ڈائمنڈ کیٹیگری کیلئے بڑے ناموں پر مشتمل 79 غیرملکی کھلاڑیوں کے ناموں کا اعلان کردیا گیا۔ پی ایس ایل انتظامیہ کے مطابق ڈرافٹنگ 15 دسمبر کو ہوگی۔
رپورٹ کے مطابق پی ایس ایل 8 کیلئے جن غیر ملکی کھلاڑیوں نے دستیابی ظاہر کی ہے ان میں شائے ہوپ، آندرے فلیچر، کارلوس بریتھ ویٹ، چیڈوک والٹن، فیبین ایلن، کیمو پال، کیرن پاؤل اور لینڈل سمنز شامل ہیں۔
ڈائمنڈ کیٹیگری میں شامل کھلاڑیوں میں اینجلیو میتھیوز، کیمرون ڈیلپورٹ، فضل حق، حضرت اللہ زازئی، عمران طاہر، جانیمن ملان، کشال پریرا، لیوئس گریگوری، محمود اللہ، مہدی حسن، مشفیق الرحیم نام بھی ہیں۔پی ایس ایل 8 میں نجیب زادران، اولی پاپ، قیس احمد، سکندر رضا، تمیم اقبال، تسکین احمد، تھسارا پریرا، وین پارنیل، ول جیکس بھی حصہ لینے کے خواہشمند ہیں۔
واضح رہے کہ مجموعی طور پر پاکستان سپر لیگ 8 کیلئے 500 سے زائد غیر ملکی کھلاڑیوں نے خود کو مختلف کیٹیگریز میں رجسٹرڈ کروایا ہے۔
