سری لنکا کا دورہ پاکستان مشکل میں پڑگیا

0
19

کولمبو: سری لنکا کے متعدد پلئیرز نے پاکستان کا دورہ کرنے سے انکار کردیا ہے.

تفصیلات کے مطابق دورہ پاکستان کے حوالے سے سری لنکا کرکٹ بورڈ اور پلیئرز میں اختلاف پیدا ہوتے دکھائی دے رہے ہیں، اگر یہ معاملہ خوش اسلوبی سے حل نہیں ہوا تو کچھ کھلاڑیوں کو مشکلات کا بھی سامنا کرنا پڑسکتا ہے۔ سری لنکن میڈیا کے مطابق بورڈ نے پلیئرز سے مشاورت کیے بغیر ہی دورے پر حامی بھری، متعدد سینئر کھلاڑی پاکستان نہ جانے کے بارے میں اپنا پیغام حکام تک پہنچا چکے ہیں۔ ان میں ایک روزہ ٹیم کے کپتان ڈیموتھ کرونا رتنے بھی شامل ہیں، اسی طرح ٹوئنٹی 20 کپتان لسیتھ مالنگا کا بھی ٹورنگ پارٹی کا حصہ ہونے کا امکان نہیں ہے۔

واضح رہے کہ سری لنکا کرکٹ بورڈ نے حال ہی میں 3 ہفتوں پر محیط ٹور پر رضامندی ظاہر کی ہے، اس دوران سری لنکا کراچی اور لاہور میں 6 انٹرنیشنل میچز کھیلیں گے۔ سیریز کے 3 ون ڈے میچز کراچی جبکہ 3 ٹی 20 میچز لاہور میں کھیلے جائیں گے.

Tagsbaaghi

Leave a reply