fbpx

پاکستان مختلف شعبوں میں بیلجیم کے ساتھ دوطرفہ تعلقات کا فروغ چاہتا ہے، آرمی چیف

راولپنڈی : آرمی چیف جنرل قمر جاوید باجوہ کا کہنا ہے کہ پاکستان مختلف شعبوں میں بیلجیم کے ساتھ دوطرفہ تعلقات کا فروغ چاہتا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے پاکستان میں بیلجیم کے سفیر کی ملاقات ہوئی ہے،

آرمی چیف سے بیلجیم کے سفیر کی ملاقات کے دوران افغانستان سمیت خطے کی سیکیورٹی صورتحال پر بات چیت ہوئی ہے۔

ملاقات میں آرمی چیف جنرل قمر جاوید باجوہ کا کہنا ہے کہ پاکستان مختلف شعبوں میں بیلجیم کے ساتھ دوطرفہ تعلقات کا فروغ چاہتا ہے۔

آئی ایس پی آر کے مطابق بیلجیم کے سفیر نے خطے کے امن و استحکام کے لیے پاکستان کی مخلصانہ کوششوں کو سراہا۔