fbpx

پاکستان بمقابلہ ویسٹ انڈیز پہلا ٹی 20 میچ آج کھیلا جائے گا

پاکستان اور ویسٹ انڈیز کے درمیان چار میچوں پر مشتمل ٹی 20سیریز کا پہلا میچ آج کھیلا جائے گا-

باغی ٹی وی : تفصیلات کے مطابق دونوں ٹیموں کے درمیان کھیلے جانے والا میچ پاکستانی وقت کے مطابق شام 7بجے شروع ہوگا جبکہ میچ سے قبل کھلاڑیوں کی جانب سے جم کر پریکٹس بھی کی گئی۔

پاکستان کرکٹ ٹیم کے کپتان بابر اعظم کا کہنا ہے کہ ویسٹ انڈیز کے خلاف سیریز میں مختلف کمبی نیشن بنانے کی کوشش کریں گے اور بنچ اسٹرنتھ کو بھی آزمائیں گے دونوں ٹیموں کے درمیان سیریز کے دیگر تین ٹی ٹوئنٹی میچز 31جولائی، یکم اور تین اگست کو شیڈول ہیں۔

علاوہ ازیں قومی کرکٹ ٹیم کے کھلاڑیوں کے ویسٹ انڈیز پہنچنے پر کورونا ٹیسٹ کئے گئے تھے جن کی رپوٹس منفی آئی ہیں۔

واضح رہے کہ دورہ انگلینڈ میں قومی ٹیم کو ون ڈے اور ٹی ٹوئنٹی سیریز میں شکست ہوئی تھی جس کے بعد ٹیم انگلینڈ سے ویسٹ انڈیز روانہ ہوئی تھی۔