fbpx

کندھ کوٹ: افواج پاکستان کے حق میں ریلی ،سینکڑوں اساتذہ، طلباء اور شہریوں کی شرکت، پاک فوج زندہ باد کے نعرے بھی لگائے

باغی ٹی وی ،کندھ کوٹ(مختیار اعوان نامہ نگار) افواج پاکستان کے حق میں ریلی ،سینکڑوں اساتذہ، طلباء اور شہریوں کی شرکت، پاک فوج زندہ باد کے نعرے بھی لگائے
تفصیل کے مطابق گورنمنٹ بوائز ہائیر سیکنڈری اسکول غوثپور کے اساتذہ اور طلباء نے پاکستان آرمی کی حمایت میں ریلی نکالی ریلی سکول سے پریس کلب تک نکالی گئی جس میں سینکڑوں کی تعداد میں شہریوں نے شرکت کی ریلی کی قیادت عبدالرحمن شاہ، شاہنواز میرانی، خان محمد اور دیگر نے کی شرکاء نے ہاتھوں میں قومی پرچم اٹھا کر پاکستان زندہ باد پاک فوج زندہ باد کے نعرے لگائے ریلی میں شرکاء کا کہنا تھا کہ ہم ملک اور افواج پاکستان سے محبت کرتے ہیں کسی کو بھی اس کے خلاف بولنے کی اجازت نہیں دیتے ملک اور فوج کے خلاف پروپیگنڈہ کرنے والوں کے خلاف کارروائی کی جائے ملک کی سلامتی اور بقا کے لئے ہم جان کا نذرانہ دینے کے لیے تیار ہیں۔