پاکستانی فلم ’بینچ ‘ کانز انٹرنیشنل انڈیپینڈنٹ فلم فیسٹول میں پیش

دنیا کے قدیم ترین اور معروف فلم فیسٹول کانز سے ملتے جلتے فرانس ہی کے ایک اور فلم فیسٹول’کانز انٹرنیشنل انڈیپینڈنٹ فلم فیسٹول‘ میں پاکستانی فلم’بینچ ‘ کو پیش کردیا گیا۔

باغی ٹی وی : کانز انٹرنیشنل انڈیپینڈنٹ فلم فیسٹیول معروف فیسٹیول ‘کانز’ کا حصہ نہیں ہے اور یہ نیا فلم فیسٹیول ہے جس کا رواں برس پہلا شو منعقد کیا گیا -پاکستانی مختصر ’بینچ‘ کی فرانس کے فلمی میلے ’ کانز انٹرنیشنل انڈیپینڈنٹ فلم فیسٹیول‘میں رونمائی کی گئی فلم’بینچ‘کو فیسٹول کے آخری روز 20 اکتوبر کو پیش کیا گیا۔

ہدایت کار عثمان مختار کی فلم کو فیسٹیول میں پیش کیے جانے کے حوالے سے فرانس میں موجود پاکستانی سفارت خانے کے ٹوئٹر ہینڈل سے بھی ٹوئٹ کی گئی اور بتایا گیا کہ ‘بینچ’ کو 20 اکتوبر کو پیش کیا گیا۔

Pakistani short film "Bench" by Usman Mukhtar is being screened today at the Cannes International Film Festival taking place in France from October 18-20, 2020. 👏🎬🇵🇰 pic.twitter.com/7NWoyCfoU0

— Pakistan Embassy France (@PakinFrance) October 20, 2020

’بینچ ‘ کی کہانی ایک ایسے جوڑے کے گرد گھومتی ہے جو ایک پبلک پارک میں موجود ایک خالی بینچ پر سماجی مسائل پر بات کرتے ہیں۔

’بینچ ‘ پر بیٹھے جوڑے کو اپنی زندگی میں آنے والے مسائل اور رکاوٹوں پر بحث کے دوران سماجی مسائل کو مختلف انداز میں بات کرتےہوئے دکھایا گیا ہے۔

فلم میں مرکزی کردار ربیا چوہدری اور عثمان مختار نے ہی ادا کیا ہے مذکورہ فلم کو دیگر عالمی فلم فیسٹیولز میں بھی پیش کیا جا چکا ہے۔

کانز انٹرنیشنل انڈیپینڈنٹ فلم فیسٹیول میں ‘بینچ’ سمیت مجموعی طور پر 70 سے زائد مختلف ممالک کی فلمیں پیش کی گئیں اور میلے کا آغاز 18 اکتوبر کو ہوا تھا۔