بھارتی پنجاب کی فضاوں میں پاکستانی جھنڈے والی پتنگیں

0
33

بھارتی پنجاب کے مختلف شہروں میں اتوار کے روز منی بسنت منائی گئی جب کہ کئی مقامات پر پاکستانی جھنڈے والی پتنگیں اڑای گئیں اور پاکستان زندہ باد کے نعرے لگ گئے۔ اس کے ساتھ ساتھ اللہ اکبر کی صدائیں بھی بلند ہوتی رہیں۔

بھارتی پنجاب سے ملنے والی اطلاعات کے مطابق پاکستانی جھنڈے والی پتنگیں فرید کوٹ، کپور تھلہ اور ترن تارن کے مختلف علاقوں میں اڑائی گئیں۔ ان علاقوں میں مسلمانوں کی بڑی تعداد رہائش پذیر ہے لیکن یہ پہلا موقعہ ہے کہ پاکستان کے جھنڈے والی پتنگوں نے بھارتی پنجاب میں بھی پاکستان کے رنگ بکھیر دئے اور فضا پاکستان زندہ باد کے نعروں سے گونجتی رہی۔ بھارتی پنجاب میں کسانوں کے احتجاج کے بعد سےمقامی افراد کی طرف بھارت مخالف سرگرمیوں میں تیزی آگئی ہے۔ بھارتی پنجاب کے مختلف شہروں میں پاکستانی جھنڈے والی پتنگوں کی دستیابی بھارتی حکومت کے لئے مشکلات میں اضافے کا باعث بن رہی ہے۔ پولیس نے پتنگوں کی دکانوں پر چھاپے مارنے شروع کر دئے ہیں لیکن کسی بھی دکان سے پاکستانی جھنڈے والی پتنگیں پولیس کے ہاتھ نہیں لگ سکیں۔ اس کے ساتھ ساتھ پولیس لاوڈ اسپیکر پر اعلانات کرتی رہی لیکن بھارتی پنجاب کے شہریوں نے ان اعلانات کی کوئی پروا نہیں کی۔  

Leave a reply