پاکستانی فضائی حدود بند ہونے سے بھارت کو کتنے ارب روپے کا نقصان ہوا؟ بھارتی وزیر نے بتا دیا
بھارتی وزیر سول ایوی ایشن ہردیپ سنگھ پوری نے راجیہ سبھا میں خطاب کرتے ہوئے کہا ہےکہ پاکستانی فضائی حدود بند ہونے سے بھارت کو 548 کروڑ روپے کا نقصان ہوا ہے.
باغی ٹی وی کی رپورٹ کے مطابق بھارتی حکام کا کہنا ہے کہ ایئرلائن ایئر انڈیا کو یومیہ 6 کروڑ روپےکا خسارہ ہورہا ہے،پاکستان نے 12 جولائی تک بھارت کے لیے اپنی فضائی حدود بند رکھنے کا اعلان کر رکھا ہے.
واضح رہے کہ پلوامہ حملہ کے بعد پیدا ہونے والی کشیدگی اور بھارت کے دہشت گردانہ رویہ کے سبب پاکستان نے یہ انتہائی اقدام اٹھایا تھا اور پاکستانی فضائی حدود انڈیا کیلئے بند کر دی تھیں جس پر راجیہ سبھا میں ہونےو الے نقصان کا اعتراف کیا گیا ہے.
