پاکستانی لڑکیوں کے ساتھ چینی باشندوں کی شادی،چینی سفارتخانے نے اہم بیان دیدیا

پاکستانی لڑکیوں کے ساتھ چینی باشندوں کی شادی اور پھر چین جا کر اعضاء نکالے جانے کی خبروں کے حوالہ سے چینی سفارتخانے نے بھی اہم بیان جاری کر دیا

باغی ٹی وی کی رپورٹ کے مطابق چینی سفارتخانے کی جانب سے جاری اعلامیہ میں کہا گیا ہے کہ پاکستانی خواتین کی جسم فروشی اورانسانی اعضاءکی فروخت کےثبوت نہیں ملے،جرم کرنےوالوں کیخلاف پاکستانی قانون کےمطابق کارروائی کی حمایت کرتےہیں، چینی سفارتخانے نے مزید کہا کہ چین کی وزارت پبلک سیکیورٹی نےپاکستانی حکام سےتعاون کیلئےٹاسک فورس بھجوادی ،چین پاکستانی اداروں کیساتھ ملکرشہریوں کاتحفظ یقینی بنائےگا،چینی سفارتخانے نے پاکستانی خواتین کی جسم فروشی اوراعضافروخت کی خبروں کی تردید کر دی

دریں اثناء ایف آئی اے نے اسلام آباد ایئرپورٹ پرکارروائی کرتے ہوئے 2 چینی باشندوں کو گرفتار کر لیا.چینی شہری3پاکستانی لڑکیوں کو پاکستان سے باہرلے جانےکی کوشش کر رہے تھے .چینی ملزمان کوانسدادانسانی اسمگلنگ سیل منتقل کردیاگیا ہے.