لندن :پاکستانی طلبا نے ڈرون ہیلی کاپٹر بنانے کا عالمی مقابلہ جیت لیا

لندن :پاکستان نے ڈرون ہیلی کاپٹر بنانے کا عالمی مقابلہ جیت لیا.پاکستان نے ڈرون ہیلی کاپٹر بنانے کا عالمی مقابلہ جیت لیاہے.ذرائع کے مطابق ہر سال برطانیہ میں انسٹی ٹیوشن آف مکینکل انجینئرز کی جانب سے ڈرون اور ہیلی کاپٹر وغیرہ کا عالمی مقابلہ ہوتا ہے اورامسال نیشنل یونیورسٹی آف سائنس اینڈ ٹیکنالوجی کے طلبا و طالبات نے اپنا جدید ترین ہیلی کاپٹر ڈرون بناکراس مقابلے میں پہلی پوزیشن حاصل کی ہے۔مقابلے میں نسٹ ایئرورکس کی ٹیم نے مکمل طور پر برقی ہیلی کاپٹر تیار کیا تھا جو مقابلے میں شامل واحد ہیلی کاپٹر بھی تھا جبکہ دنیا بھر کی جامعات کے دیگر طلبا و طالبات نے جامد بازوؤں چھوٹے طیارے اور ڈرون پیش کئے تھے۔

انسٹی ٹیوشن آف مکینکل انجینیئرزایک بین الاقوامی تنظیم ہے جو اس شعبے میں تحقیق اور اشتراک بڑھانے میں اپنا اہم کردار ادا کررہی ہے۔ جس کا صدر دفتر کا صدر دفتر لندن میں واقع ہے۔ کئی ممالک اس کے باقاعدہ رکن ہے جنہیں کنٹری چیپٹر کہا جاتا ہے۔کئی سالوں سے یہ تنظیم غیر انسانی طیاروں یا ان مینڈ ایئرکرافٹ سسٹمز مقابلے کا اجرا کررہی ہے۔ ان مقابلوں میں دنیا بھر کی جامعات اور اداروں کے طلبا و طالبات شامل ہوتے ہیں اور اپنی تخلیقات پیش کرتے ہیں۔

2019 کے مقابلے میں نسٹ کی ایئر ورکس ٹیم بی ٹا کو اول انعام کا حقدار ٹھہرایا گیا جو پاکستان کے لیے بلاشبہ ایک بڑا اعزاز ہے جبکہ کوئنز یونیورسٹی بلفاسٹ کے دو گروپوں نے دوم اور سوم پوزیشن حاصل کی۔ دیگر 32 جامعات اور تحقیقی اداروں کے نوجوانوں نے اپنے ڈرون اور ائیرسسٹم پیش کئے۔ ان ممالک میں برطانیہ، کینیڈا، ہالینڈ اور دیگر شامل تھے۔

جواب چھوڑیں

آپ کا ای میل ایڈریس شائع نہیں کیا جائے گا.