پاکستانیوں کے اسرائیل جانے سے متعلق کوئی معلومات نہیں،ترجمان دفترخارجہ

اسلام آباد: ترجمان دفتر خارجہ شفقت علی خان نے کہا ہے کہ پاکستانیوں کے اسرائیل جانے سے متعلق کوئی معلومات نہیں ہیں اور اس حوالے سے تحقیق کی جارہی ہے۔ انہوں نے یہ بات ایک نیوز بریفنگ کے دوران کہی۔

شفقت علی خان کا کہنا تھا کہ اس معاملے کی تحقیقات کی جا رہی ہیں اور جیسے ہی صورتحال واضح ہوگی، تب اس پر تبصرہ کیا جائے گا۔ انہوں نے مزید کہا کہ موجودہ وقت میں اس بارے میں کوئی حتمی معلومات فراہم کرنا ممکن نہیں ہے۔

ترجمان دفتر خارجہ نے کہا کہ پاکستان اور امریکا کے درمیان مختلف معاملات پر رابطے جاری ہیں، لیکن ویزا پابندیوں کے حوالے سے آنے والی خبروں میں کوئی صداقت نہیں ہے۔ انہوں نے واضح کیا کہ اس حوالے سے دفتر خارجہ اور امریکی اسٹیٹ ڈپارٹمنٹ دونوں ہی نے ان خبروں کو قیاس آرائیاں قرار دے دیا ہے۔

یہ بیان اس وقت آیا جب اسرائیل جانے سے متعلق کچھ افواہیں اور خبریں سامنے آئی تھیں، جس پر پاکستان کی وزارت خارجہ نے تردید کی ہے کہ ان افواہوں میں کوئی حقیقت نہیں۔

سینٹرل سلیکشن بورڈ ’’ریویو ‘‘ ناگزیر ہوچکا.تحریر: ملک سلمان

عمران خان سے ملاقاتوں کی 20 درخواستیں، جیل حکام سے جواب طلب

یوم پاکستان پریڈ محدود پیمانے پر روایتی جوش و جذبے سے منانے کا اعلان