پاکستان میں کرونا کا پھیلاؤ جاری، مریضوں کی تعداد 2 لاکھ 46 ہزار سے بڑھ گئی

پاکستان میں کرونا کا پھیلاؤ جاری، مریضوں کی تعداد 2 لاکھ 46 ہزار سے بڑھ گئی

باغی ٹی وی کی رپورٹ کے مطابق پاکستان میں کرونا کا پھیلاؤ جاری ہے، گزشتہ 24 گھنٹوں میں 65 اموات ہوئی ہیں

پاکستان میں کورونا کے تصدیق شدہ کیسز کی تعداد 2 لاکھ 46 ہزار 351 تک پہنچ گئی ہے جبکہ اموات کی مجموعی تعداد 5 ہزار 123 ہوگئی ہے

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹرکی جانب سے جاری کردہ تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 752 نئے مریض سامنے آئے، پنجاب میں 85 ہزار 991، سندھ میں ایک لاکھ 2 ہزار 368، خیبر پختونخوا میں 29 ہزار 775، بلوچستان میں 11 ہزار 128، گلگت بلتستان میں ایک ہزار 630، اسلام آباد میں 13 ہزار 927 جبکہ آزاد کشمیر میں ایک ہزار 532 کیسز سامنے آئے.

پاکستان میں کورونا سے ایک دن میں 65 افراد کی بازی ہار گئے ہیں جس کے بعد وائرس سے جان بحق ہونے والوں کی تعداد 5 ہزار 123 ہوگئی۔ پنجاب میں ایک ہزار 985، سندھ میں ایک ہزار 713، خیبر پختونخوا میں ایک ہزار 74، اسلام آباد میں 147، بلوچستان میں 126، گلگت بلتستان میں 36 اور آزاد کشمیر میں 42 مریض جان کی بازی ہار چکے ہیں

ملک بھر میں اب تک 15 لاکھ 38 ہزار 427 افراد کے ٹیسٹ کئے گئے، گذشتہ 24 گھنٹوں کے دوران 23 ہزار 569 نئے ٹیسٹ کئے گئے، اب تک ایک لاکھ 53 ہزار 134 مریض صحتیاب ہوچکے ہیں جبکہ 2 ہزار 156 مریضوں کی حالت تشویشناک ہے.

جواب چھوڑیں

آپ کا ای میل ایڈریس شائع نہیں کیا جائے گا.