کرونا کے پچاسی ہزار مصدقہ کیسز کے ساتھ پاکستان نے چائنہ کو پیچھے چھوڑ دیا

0
27

 

اسلام آباد :کرونا کے پچاسی ہزار مصدقہ کیسز کے ساتھ پاکستان نے چائنہ کو پیچھے چھوڑ دیا ،ادھراطلاعات کے مطابق اس وقت دنیا میں کورونا متاثرین کی تعداد 64 لاکھ 84 ہزار سے زائد ہوگئی ہے اور تین لاکھ 83 ہزار 109 افراد جاں بحق ہو چکے ہیں جب کہ 30 لاکھ 89 ہزار سے زائد مریض صحت یاب ہوئے ہیں

دنیا میں کورونا متاثرین کی تعداد 64 لاکھ 84 ہزار سے زائد ہوگئی ہے اور تین لاکھ 83 ہزار 109 افراد جاں بحق ہو چکے ہیں جب کہ 30 لاکھ 89 ہزار سے زائد مریض صحت یاب ہوئے ہیں۔

 

 

امریکہ میں 24 گھنٹوں کے دوران مزید 824 اموات ہوئی ہیں اور جاں بحق ہونے والوں کی مجموعی تعداد ایک لاکھ  آٹھ ہزار سے بڑھ گئی ہے۔ امریکہ میں اٹھارہ لاکھ 81 ہزار سے زائد افراد میں کورونا وائرس کی تشخیص ہوئی ہے۔

 

برازیل امریکہ کے بعد 5 لاکھ سے زائد کورونا کیسز والا دوسرا ملک بن گیا ہے اور کیسز کی تعداد 5 لاکھ 58 ہزار تک پہنچ گئی ہے جب کہ 31 ہزار تین سو سے زائد مریض ہلاک ہوچکے ہیں۔

 

روس میں 4 لاکھ 23 ہزار سے زائد افراد کورونا وائرس سے متاثر ہوئے ہیں جب کہ 5 ہزار سے زائد اموات واقع ہوچکی ہیں۔

 

برطانیہ میں دو لاکھ 77 ہزار سے زائد کورونا وائرس کے مریض ہیں اور 39 ہزار تین سو سے زائد جاں بحق ہو چکے ہیں۔

برطانیہ میں کورونا ٹیسٹ اینڈ ٹریس سسٹم لاگو کردیا گیا ہے اور کورونا مریضوں سے ملاقات کرنے والوں کو زیر مشاہدہ لیا جا رہا ہے۔

 

 

اٹلی میں کورونا وبا سے مزید 75 افراد ہلاک ہوئے جس کے بعد ہلاکتوں کی تعداد 33 ہزار سے تجاوز کرگئی ہے جبکہ دو لاکھ 33 ہزار سے زائد افراد متاثر ہوچکے ہیں۔

 

 

فرانس میں کورونا سے ہلاک ہونے والے افراد کی تعداد 28 ہزار 9 سو سے بڑھ گئی ہے جبکہ متاثرہ افراد کی تعداد ایک لاکھ 89 ہزار سے زیادہ ہوگئی ہے۔

 

کورونا سے اسپین میں مزید 2 افراد ہلاک ہو گئے جس کے بعد اموات کی تعداد 27 ہزار127 ہوگئی ہے اور 2 لاکھ 87 ہزار سے زائد افراد متاثر ہیں۔

 

جرمنی میں کورونا سے ہلاکتوں کی تعداد 8 ہزار 6 سو سے تجاوز کرگئی ہے جبکہ مجموعی کیسز کی تعداد ایک لاکھ 84 ہزارسے تجاوز کرگئی ہے۔

 

Leave a reply