پاکستان میں کرونا سے مزید 30 اموات، مریضوں میں بھی اضافہ

پاکستان میں کرونا سے مزید 30 اموات، مریضوں میں بھی اضافہ

باغی ٹی وی کی رپورٹ کے مطابق پاکستان میں کرونا کی دوسری لہر جاری ہے،سردیوں کی آمد کے ساتھ ہی کرونا کیسز میں مسلسل اضافہ شروع ہوگیا ہے

این سی او سی کے مطابق گزشتہ 24 گھنٹوں میں کرونا سے پاکستان میں 30 اموات ہوئی ہیں جبکہ 1376 نئے مریض سامنے آئے ہیں

این سی او سی کے مطابق پاکستان میں کرونا سے اموات کی مجموعی تعداد 6ہزار923 ہوگئی ہے جبکہ کرونا مریضوں کی مجموعی تعداد
3 لاکھ 40 ہزار251تک پہنچ گئی ہے،پاکستان میں کورونا کے 3 لاکھ 17ہزار86 مریض صحتیاب ہوگئے ہیں اور16ہزار242 زیرعلاج ہیں۔

این سی او سی کے مطابق اسلام آباد میں کورونا کیسزکی تعداد20 ہزار967 ہوگئی ہے۔ پنجاب ایک لاکھ 5 ہزار856، سندھ میں ایک لاکھ 48 ہزار343، خیبر پختونخوا میں 40 ہزار148، بلوچستان میں 16 ہزار33، گلگت بلتستان میں 4 ہزار332 اور آزاد کشمیرمیں 4ہزار572 مریض سامنے آئے ہیں۔

این سی او سی کے مطابق کورونا وائرس کے باعث پنجاب میں 2 ہزار 390 ، سندھ میں 2 ہزار664 ، خیبر پختونخوا میں ایک ہزار287، اسلام آباد میں 231، بلوچستان میں 152، ‏گلگت بلتستان میں 92 اور آزاد کشمیر میں 107 اموات ہو چکی ہیں

نیشنل کمانڈ اینڈ آپریشن سینٹر نے پاکستان میں کورونا وائرس سے بچاؤ کیلئے ماسک پہننا لازمی قرار دے دیا ہے۔ این سی او سی کی جانب سے ہدایت کی گئی ہے کہ شہری گھروں سے باہر نکلتے وقت ماسک لازمی پہنیں۔ حکومتی اور نجی سیکٹرز کے دفاتر میں کام کرنے والوں کے لیے ماسک پہننا لازم ہوگا۔ صوبائی حکومتوں کو ہدایت کی گئی ہے کہ بازاروں، شاپنگ مالز، پبلک ٹرانسپورٹ، ریسٹورنٹس میں ایس او پیز اور ماسک کو لازم قرار دیں۔

جواب چھوڑیں

آپ کا ای میل ایڈریس شائع نہیں کیا جائے گا.