پاکپتن میں واپڈا کی نجکاری کیخلاف ہڑتال اور احتجاجی ریلی ، حکومت کیخلاف شدید نعرے بازی

پاکپتن میں واپڈا کی نجکاری کیخلاف ہائیڈرو لیبر یونین کی ہڑتال احتجاجی ریلی نکالی گئی حکومت کیخلاف شدید نعرے بازی ، تفصیلات کیمطابق ملک بھر کی طرح پاکپتن میں بھی پاکستان واپڈا ہائیڈرو لیبر یونین نے واپڈا کی مجوزہ نجکاری کیخلاف ہڑتال کی اور دفاتر کی تالہ بندی کرکے احتجاجی ریلی نکالی گئی

ریلی کی شرکاء سے زونل چئیرمین محمد احمد موہل۔ملک آصف رضا نے خطاب کرتے ہوئے کہا کہ دن رات ایک کرکے واپڈا مزدور ملک بھر میں جان ہتھیلی پر رکھ کر واپڈا کا نظام چلارہے ہیں اور بجلی فراہم کرکے واپڈا کو منافع بخش بنانے میں سرگرم ہیں حکومت واپڈا کی نجکاری کرکے ہمارا معاشی قتل کرنا چاہتی ہے

حکومت اور نجکاری کمیشن منافع بخش محکمہ کی نجکاری کافیصلہ واپس لے ورنہ غیر معینہ مدت تک مکمل ہڑتال کرکے احتجاجی مظاہرے ملک بھر میں کئے جائیں گے ۔۔