افغانستان: صوبہ پکتیکا کے ضلع گیان میں زلزلہ،10 افراد زخمی

0
27

افغانستان کے مشرقی علاقے میں زلزلے سے 10 افراد زخمی ہوگئے۔

باغی ٹی وی : غیرملکی میڈیا کے مطابق افغانستان کے مشرقی صوبے پکتیکا کے ضلع گیان میں زلزلے سے 10 افراد زخمی ہوگئے۔ افغان حکام کا کہنا ہے کہ زلزلے سے متاثرہ علاقے میں امدادی کارروائیاں جاری ہیں۔ زلزلے سے متعدد مکانات بھی منہدم ہوگئے ہیں۔

امریکی جیولوجیکل سروے کے مطابق زلزلے کی شدت ریکٹراسکیل پر5.1 ریکارڈ کی گئی تھی اورزیر زمین اس کی گہرائی 51 کلو میٹر تھی گزشتہ ماہ اسی علاقے میں آنے والے زلزلے میں ایک ہزار سے زائد افراد جاں بحق ہوئے تھے۔

واضح رہے کہ قبل ازیں گزشتہ ماہ افغانستان میں آنے والے زلزلے نے تباہی مچادی تھی جس کے نتیجے میں اب تک 100 سے زائد افراد جاں بحق جبکہ 700 سے زائد زخمی ہوئے تھے-

افغان صوبے پکتیکا میں زلزلے کے شدید جھٹکے محسوس کیے گئے تھے جن کی شدت 6.1 سے زائد تھی زلزلے کے نتیجے میں متعدد گھر ملبے کا ڈھیر بن گئے تھے

Leave a reply