اپوزیشن لیڈر سندھ علی خورشیدی نے شہر کراچی میں پانی کی قلت پر شدید تشویش کا اظہار کیا ہے۔
باغی ٹی وی کے مطابق اپنے بیان میں علی خورشیدی نے کہا کہ سندھ حکومت کی نااہلی کی وجہ سے پانی بھی نہیں اور اب جان کا تحفظ بھی نہیں.پانی کے لیے ترستی عوام ٹینکر کے پہیوں تلے کچلے جا رہے ہیں.پانی کا بحران مصنوعی نہیں سندھ حکومت کی بدانتظامی کا نتیجہ ہے۔ 17 سالہ حکومت میں پیپلزپارٹی نے کراچی میں پانی کا ایک بوند کا بھی اضافہ نہیں کیا۔کوئی جیالوں کو بتائے پریس کانفرنسوں سے عوام کے گھروں میں پانی نہیں آتا۔اپوزیشن لیڈر سندھ نے کہا کہ پانی کی قلت نے کراچی میں ٹینکر مافیا کو بے لگام کر دیا ہے.
انہوں نے کہا کہ سندھ حکومت نے کراچی کو کربلا بنادیا ہے۔پانی جیسی بنیادی سہولت فراہم نہ کرنا حکومتی ناکامی ہی.سندھ حکومت نے کراچی کو بے یار و مددگار چھوڑ دیا ہے۔
ایرانی صوبے بلوچستان میں مسلح افراد کے حملے میں 8 پاکستانی جاں بحق
