fbpx

پنجگور:5افراد کی لاشیں برآمد:نامعلوم قاتلوں کی تلاش جاری

:پنجگور:نواحی علاقے سے 5افراد کی لاشیں برآمد:نامعلوم قاتلوں کی تلاش جاری،اطلاعات کے مطابق بلوچستان کے علاقے پنجگورکے نواحی علاقے سے 5 افراد کی لاشیں برآمد ہوئی ہیں جنہیں نامعلوم افرادنے فائرنگ کرکے قتل کیاہے۔

لیویز کے مطابق پنجگورکے بی ایریا زیرے کورپیرے جیگ سے 5 افراد کی لاشیں ملی ہیں جوایک روز پرانی ہیں ، ان افراد کو نامعلوم افرادنے فائرنگ کرکے قتل کیااور فرارہوگئے ۔

اطلاع ملنے پر لیویزنے وہاں پہنچ کرلاشیں تحویل میں لیکر پوسٹ مارٹم کے لئے پنجگور ڈٰی ایچ کیو منتقل کیا جہاں لاشوں کی شناخت حمزہ ، امان اللہ ، شعیب احمد، خلیل احمد اورداؤد جان کے ناموں سے ہوئی ہے۔لیویز کے مطابق تاہم قتل کی وجوہات معلوم نہیں ہوسکیں ۔

یاد رہے کہ چند ہفتے قبل بلوچستان کے ضلع پنجگور کے ایک بازار میں دھماکے کے نتیجے میں 2 افراد جاں بحق ہوگئے تھے۔

پولیس کے مطابق دھماکہ ریموٹ کنٹرول ڈیوائس سے کیا گیا تھا ، ادھر اس وقت ہی وزیراعلیٰ بلوچستان میرعبدالقدوس بزنجو نے پنجگور دھماکے کی مذمت کی تھی ۔

یاد رہے کہ پنجگور میں پاکستان دشمن قوتیں سرگرم ہیں اورمقامی لوگوں کوہدف بناکرقتل وغارت کی وارداتیں کرتی ہیں ، جن کے خلاف سیکورٹی فورسز نے آپریشن تیز کردیا ہے اور تازہ واقعہ میں ہلاک ہونے والے افراد کے قتل کی وجوہات کا جائزہ لیا جارہا ہے