پیرمحل باغی ٹی وی(وقاص شریف نامہ نگار) تھانہ اروتی کی طرف سے مشکوک افراد کے خلاف کارروائی کا دائرہ وسیع کر دیا گیا ۔ گھر گھر تلاشی کا عمل بھی جاری ۔
تفصیلات کے مطابق: تھانہ اروتی ان دنوں بہت زیادہ چست اور متحرک ہو گیا ہے ۔ جرائم پیشہ افراد کے خلاف گھیرا تنگ کرتے ہوئے اروتی پولیس نے مشکوک افراد اور مشکوک گھروں کی باضابطہ تلاشی کا سلسلہ شروع کر دیا ہے ۔ اس ضمن میں تھانہ اروتی نے سندھیلیانوالی شہر کے متعدد گھروں کی جامع تلاشی لی ۔ تھانہ اروتی کو لیڈیز پولیس کی مدد بھی حاصل تھی ۔ تلاشی اور پوچھ گچھ کے دوران متعدد مشکوک لوگوں کی شناخت پریڈ کی گئی ان میں زیادہ تر وہ لوگ تھے جن پر منشیات بیچنے کی اطلاعات پولیس کے پاس تھیں ۔ مشکوک افراد اور ان کے گھروں کی تلاشی کا یہ سلسلہ جاری ہے اور اس کا دائرہ مزید وسیع کیا جا رہا ہے تاکہ علاقہ بھر سے جرائم پیشہ اور منشیات فروشوں کا قلعہ قمع کیا جاسکے ۔ واضح رہے کہ پنجاب میں سیلاب کے بعد چوری، ڈکیتی ، ناجائز اسلحہ اور منشیات فروشی کے جرائم میں کئی گناہ اضافہ ہو چکا ہے ۔ ذرائع کے مطابق تھانہ اروتی کو ان کارروائیوں کے نتیجے میں شاندار کامیابیاں حاصل ہوئی ہیں جن کا کریڈٹ ایس ایچ او جیون خان اور ان کی مستعد ٹیم کو جاتا ہے
پیرمحل : تھانہ اروتی کی طرف سے مشکوک افراد کے خلاف کارروائی کا دائرہ وسیع کر دیا گیا ۔ گھر گھر تلاشی کا عمل بھی جاری
