fbpx

پرویز الٰہی کا شہداء کی فیملیزکیلئے پنشن میں چار گنا اضافے کا اعلان

وزیراعلیٰ پنجاب چودھری پرویز الٰہی نے پولیس لائن میں پولیس شہداء کی فیملیز اوربچوں سے ملاقات کی.
وزیراعلیٰ چودھری پرویز الٰہی نے یوم شہدائے پولیس پر شہداء کی فیملیز سے یکجہتی کااظہار کیا،وزیراعلیٰ چودھری پرویز الٰہی نے پولیس شہداء کے بچوں کے ساتھ محبت کا اظہار کیااوران کے سرپر دست شفقت رکھا،
پولیس شہداء کی فیملیزاوربچوں نے وزیراعلیٰ چودھری پرویز الٰہی کے ساتھ سیلفیاں لیں.وزیراعلیٰ چودھری پرویز الٰہی نے بچوں کو اپنے پاس بلا کران کے ساتھ تصویریں بھی بنوائیں، چودھری پرویز الٰہی نے پولیس شہداء کی فیملیز اوربچوں کولنچ پر مدعوکیا.

وفاقی کابینہ نےعمران خان کا نام ای سی ایل میں ڈالنے کی منظوری دیدی

چودھری پرویز الٰہی نے کہا کہ 18سال قبل پولیس لائن آیا تھا،آج دوسری بار پولیس لائن آیا ہوں، میں نے اس وقت پولیس کے لئے جو اعلانات کیے تھے،شہباز شریف نے ان پر کوئی عمل نہیں کیا، شہداء کی فیملیز کو جس کرب سے گزرنا پڑتا ہے اس کا اندازہ وہی کرسکتی ہیں، شہبازشریف نے صرف دکھاوے کا کام کیا اورٹوپی ڈرامہ کیا۔
چودھری پرویز الٰہی نے شہداء کی فیملیزکیلئے پنشن میں چار گنا اضافے کا اعلان کیا.

چودھری پرویز الٰہی نے کہا کہ شہداء کی فیملیز کے بچوں کواچھے سکولوں میں مفت تعلیم دلائی جائے گی،

 

وزارتِ اعلیٰ مل گئی ، مزید کچھ نہیں چاہیے،مونس الہیٰ کی عمران خان سے ملاقات

کانسٹیبل سے آئی جی تک ساری پولیس کو رسک الاؤنس دیں گے، لیڈیز پولیس کے لئے علیحدہ پیکیج بنایا جائے گا، جو اعلانات کیے ہیں ان پر عملدر آمد کیلئے اگلے ہفتے فالو اپ میٹنگ کال کرلی ہے، عید کے تہواروں پر شہداء کے خاندانوں اوربچوں پر گزرتی ہے اس کا اندازہ نہیں کیاجاسکتا۔

چودھری پرویز الٰہی نے کہا کہ شہداء کی فیملیز اوربچوں کوعید پر خصوصی کیش پیکیج دیا جائے گا،شہداء کی فیملیز اوربچوں کی تکالیف کو دل سے محسوس کرتا ہوں، پولیس کیلئے وسائل میں کمی نہیں آنے دیں گے، پولیس کا فرض ہے کہ وہ اپنے ادارے کی عزت میں مزید اضافہ کرے، انسپکٹرجنرل پولیس اورشہداء کی فیملیز کے بچوں نے بھی تقریب سے خطاب کیا.