پرویز مشرف کی سزا کیخلاف اپیل پر اعتراضات، درخواست سپریم کورٹ میں سماعت کیلیے مقرر

باغی ٹی وی کی رپورٹ کے مطابق سابق صدر جنرل ر پرویز مشرف کی سزا کے خلاف اپیل پر اعتراضات کے حوالہ سے درخواست سپریم کورٹ میں سماعت کے لئے مقرر کر دی گئی ہے

چیف جسٹس گلزار احمد 24 فروری کو اپنے چیمبر میں درخواست پر سماعت کریں گے،اس حوالہ سے رجسٹرار سپریم کورٹ نے نوٹس جاری کر دیئے

واضح رہے کہ سپریم کورٹ نے پرویز مشرف کی سزا کے خلاف اپیل کی درخواست پر اعتراض عائد کر دیے تھے، سپریم کورٹ نے درخواست پر اعتراض عائد کرتے ہوئے کہا کہ جب تک پرویز مشرف سرنڈر نہیں کرتے اپیل نہیں دائر ہو سکتی،

اعتراض عاید ہونے کے بعد پرویز مشرف کے وکیل نے عدالت سے دو ہفتے کا وقت مانگ لیا تھا اور کہا کہ پھر اپیل دائر کریں گے. پرویز مشرف کے وکیل کا کہنا تھا کہ اپیل پر اعتراض غیر متوقع نہیں، فیصلے کے خلاف اپیل کی تیاری کر لی ہے، 30 دن کے اندر خصوصی عدالت کے فیصلے کے خلاف اپیل کرنا لازمی تھی، لاہور ہائیکورٹ کا تین رکن بینچ خصوصی عدالت کی تشکیل کو ہی غیر آئینی قرار دے چکا.

سابق صدرپرویز مشرف نے خصوصی عدالت کا فیصلہ سپریم کورٹ میں چیلنج کیا ہوا تھا،پرویزمشرف کی درخواست میں وفاق اور خصوصی عدالت کو فریق بنایا گیا ہے،

درخواست میں خصوصی عدالت کا فیصلہ کالعدم قراردینے کی استدعا کی گئی ہے، درخواست میں مزید کہا گیا ہے کہ خصوصی عدالت نے ٹرائل مکمل کرنے میں آئین کی 6 بارخلاف ورزی کی،خصوصی عدالت کے 17 دسمبر کے فیصلے سے غیر مطمئمن ہوں ،انصاف کا قتل نہ ہو اسی لیے مقررہ قانونی مدت میں اپیل دائر کی،سزا کا فیصلہ ٹرائل آئین اور ضابطہ فوجداری اور اسلامی اصولوں کی صریحاً خلاف ورزی ہے فیصلہ کالعدم قرار دیا جائے ,مشرف کے وکیل نے 67 صفحات پر مشتمل درخواست سپریم کورٹ میں دائر کی.

لاہور ہائیکورٹ نے بھی پرویز مشرف کی درخواست پر فیصلہ سنا دیا عدالت نے خصوصی عدالت کی تشکیل کو غیر آئینی قرار دے دیا ۔درخواست سابق صدر پرویز مشرف کی جانب سے دائر کی گئی تھی. کالعدم قرار دی گئی خصوصی عدالت نے آئین شکنی کیس میں‌ پرویز مشرف کو سزائے موت سنائی تھی۔

خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟

پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

وقت کا تقاضا ہے ملک پر رحم کریں، فواد چودھری نے ایسا کیوں کہا؟

پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

سنگین غداری کیس میں خصوصی عدالت نے پرویز مشرف کو سزائے موت کا حکم دے دیا۔ عدالت نے آئین سے غداری کا جرم ثابت ہونے پر مختصر فیصلہ سنایا.

سابق صدر جنرل ر پرویز مشرف نے لاہور ہائیکورٹ کے فیصلے کے بعد کہا کہ میری طبیعت بہتری کی طرف گامزن ہے،ہائی کورٹ کا فیصلہ بہت اچھا ہے،ہائی کورٹ کے فیصلے سے مجھے بہت خوشی ہوئی،ہائیکورٹ نے  آئین اورقانون کےمطابق فیصلہ دیاہے،پرویز مشرف کا مزید کہنا تھا کہ صحت یابی کے لیے دعائیں کرنے پرسب کاشکریہ اداکرتاہوں،