fbpx

پریانکا چوپڑا کا رنگ گورا کرنے والی کریم کی پروموشن پر تاسف کا اظہار

بالی وڈ اداکارہ پریانکا چوپڑا کی نئی تصنیف (اَن فِنشڈ) جو ان کی یادداشتوں پر مبنی ہے شائع ہونے والی ہےاس کتاب میں انھوں نے متعدد ایسے عنوانات کا احاطہ کیا ہے جس پر ماضی میں انھوں نے کبھی کچھ نہیں کہا انہوں نے اپنی اس کتاب میں بہت زیادہ بات کیے بغیر اپنی بعض خامیوں کا اعتراف کیا ہے اور اس میں انہوں نے اپنے ایک عمل پر افسوس اور ناگواری کا اظہار بھی کیا جس میں انہوں نے رنگ گورا کرنے والی ایک کریم کی پروموشن کی تھی۔

باغی ٹی وی : ایک فرانسیسی و برطانوی انٹرنیشنل ماہانہ جریدے میری چارلی کو ایک حالیہ انٹرویو میں پریانکا چوپڑا نے رنگ گورا کرنے والی کریم کی پروموشن کی وجوہات کا انکشاف کرتے ہوئے اپنے تاسف کا اظہار کیا۔

پریانکا کہنا تھا کہ جلد کو گورا کرنا جنوبی ایشیا میں ایک عام سی بات ہے اور اسکی یہاں بہت بڑی انڈسٹری ہے اور ہر کوئی ایسا کررہا ہے۔ حقیقت میں اسکی پروموشن کرنا ایک خاتون اداکارہ کے حوالے سے ایسا کچھ معیوب بھی نہیں لیکن مجھے اس پر افسوس ہے۔

بالی وڈ اداکارہ نے کہا کہ میرے لیے یہ اس وجہ سے بھی نا خوشگوار ہے کہ ایک کم عمر لڑکی کے طور پر میں بھی جلد کو گورا کرنے والا ٹالکم پاؤڈر کریم اپنے چہرے پر لگایا کرتی تھی اسکی وجہ یہ تھی کہ میں سمجھتی تھی کہ سانولی جلد میں خوبصورتی نہیں ہوتی۔

جواب چھوڑیں

آپ کا ای میل ایڈریس شائع نہیں کیا جائے گا.