fbpx

صرف مسلم علاقوں میں پٹھان کی ایڈوانس بکنگ ہو رہی ہے کے آر کے کا دعوی

کمال آر خان جو کہ فلموں پر اپنے ریویوز دیتے ہیں وہ کرن جوہر ہوں یا شاہ رخ خان ہر کسی کو لیتے ہیں آڑھے ہاتھوں. انہوں‌ نے حال ہی میں ایک ٹویٹ کے زریعے دعوی کیا ہے کہ شاہ رخ خان کی فلم پٹھان کی ایڈوانس بکنگ صرف ان علاقوں میں ہو رہی ہے جن میں مسلم آبادی ہے ، انہوں نے کہا کہ مسلم آبادی کی وجہ سے نظام اور آندھرا میں زبردست ایڈوانس بکنگ ہو رہی ہے۔ مغربی بنگال میں بھی زیادہ مسلم آبادی کی وجہ سے زبردست ایڈوانس بکنگ ہو رہی ہے۔ جبکہ گجرات اور پنجاب کی ایڈوانس بکنگ خراب ہے۔ مہاراشٹر میں اوسط بکنگ ہو رہی ہے۔ کے آر کے یہ بھی دعوی کررہے ہیں کہ پٹھان فلاپ ہوجائیگی. انہوں نے فلم کا ٹریلر ریلیز ہونے کے بعد اس کا کافی مذاق اڑایا اور دیپیکا کو انجلینا جولی کی نقالن

تک کہا. کے آر کے مسلسل شاہ رخ خان کے خلاف مہم چلا رہے ہیں،ایسا محسوس ہوتا ہے کہ شاید وہ شاہ رخ‌خان کے خلاف کسی اسائنمنٹ پر ہیں. کبھی وہ شاہ رخ پر ناقدین کئ ریویوز خریدنے کے الزامات لگا رہے ہیں اور کبھی وہ فلم میں شاہ رخ خان کے کردار کو موضوع بحث بنا رہے ہیں، لیکن ان کے حالیہ دعوے کے مطابق شاہ رخ خان کی فلم پٹھان نہ صرف فلاپ ہو گی بلکہ اسکی ایڈوانس بکنگ صرف مسلم علاقوں میں ہو رہی ہے.