fbpx

پاوری گرل کی ” ’صنف آہن‘ سے اداکاری میں انٹری

ہدایت کار ندیم بیگ کے آنے والے میگا کاسٹ تھرلر ڈرامے ’صنف آہن‘ سے پاوری گرل دنانیرمبین کا اداکاری میں ڈیبیو-

باغی ٹی وی : ’صنف آہن‘ کے تمام مرکزی کرداروں کے ٹیزر گزشتہ دنوں جاری کیے گئے تھے اب ڈرامے کا ٹریلر بھی جاری کردیا گیا ہے ٹریلر میں ’صنف آہن‘ کی تمام مرکزی اداکاراؤں یعنی سجل علی، یمنیٰ زیدی، رمشا خان، سائرہ یوسف اور کبریٰ خان سمیت سری لنکن اداکارہ یحالی تاشیا کے کرداروں کی فوج میں شمولیت کی جدوجہد کو دکھایا گیا ہے۔

ڈراما سیریل’صنف آہن‘ کا ٹیزر جاری

ٹریلر میں ’پاوری گرل‘ دنانیر مبین کی جھلک بھی دکھائی گئی ہے جو’صنف آہن‘ سے اداکاری کی دنیا میں انٹری کرنے جا رہی ہیں، دنانیر مبین ڈرامے میں ’سیدہ سدرہ‘ کا کردار ادا کرتی دکھائی دیں گی۔


اس سے قبل سجل علی کے کردار کا ٹیزر 13 نومبر کو جاری کیا گیا تھا، جس میں انہیں ایک عام لڑکی سے فوجی افسر بنتے دکھایا گیا تھا ان کے بعد کبریٰ خان اور یمنیٰ زیدی کے کرداروں کے ٹیزر 15 نومبر کو جاری کیے گئے تھے، جن میں انہیں پاک فوج کا حصہ بنتے دکھایا گیا تھا 17 نومبرکو سائرہ یوسف اور رمشا خان کے کرداروں کے ٹیزر جاری کردیئے گئے، جن میں انہیں پاک میں شامل ہوکر روایات کو تبدیل کرتے ہوئے دکھایا گیا ہے بعد ازاں سری لنکن اداکارہ یحالی تاشیا کا بھی ٹیزر جاری کیا گیا-

’صنف آہن‘ میں اداکارہ سجل علی کبریٰ خان اور یمنیٰ زیدی کے کرداروں کے ٹیزر جاری

ٹیزر میں دکھایا گیا کہ سری لنکن فوجی کیڈٹ دوران تربیت نہ صرف پیشہ ورانہ مہارت حاصل کرتی ہیں بلکہ وہ اردو زبان بھی بولنا سیکھ جاتی ہیں ٹیزر میں وہ سجل علی کو بتاتی ہیں کہ ان کے ہمسفر سری لنکا میں ہونے والے ایک خودکش حملے میں ہلاک ہوئے تھےٹیزر میں سری لنکن اداکارہ کے یونیفارم پر نہ صرف اپنے ملک بلکہ پاکستان کا بیج بھی آویزاں دکھایا گیا ہے اور انہیں بتایا جاتا ہے کہ ان پر دو ملکوں کی ذمہ داری ہے، اس وجہ سے وہ ہر کام احتیاط کے ساتھ سر انجام دیں۔

"صنف آہن” :رمشا خان اور سائرہ یوسف کے کرداروں کے ٹیزر جاری

صنف آہن‘ کی کہانی خواتین پر مبنی ہے اور ڈرامے کی مرکزی کہانی پانچ لڑکیوں سجل علی، یمنیٰ زیدی، کبریٰ خان، رمشا خان ، سائرہ یوسف اور سری لنکن اداکارہ یحالی تاشیا کے فوجی افسر بننے کے گرد گھومتی ہے ڈرامے کی دیگر کاسٹ میں عثمان مختار، میرب علی، عاصم اظہر، علی رحمٰن، عثمان پیرزادہ اور صبا حمید بھی شامل ہیں۔

ڈرامے کی ہدایات ندیم بیگ نے دی ہیں جب کہ اسے ہمایوں سعید کی اہلیہ ثمینہ سعید اور ثنا شاہنواز نے پروڈیوس کیا ہے جب کہ ڈرامے کو بنانے میں پاک فوج کے شعبہ تعلقات عامہ (آئی ایس پی آر) نے بھی تعاون کیا ہے۔

ڈرامے کو اے آر وائے ڈیجیٹل پر 27 فروری کو رات 8 بجے نشر کیا جائے گا-

"صنف آہن” میں سری لنکن اداکارہ یحالی تاشیا کے کردار کا ٹیزر جاری

Facebook Notice for EU! You need to login to view and post FB Comments!