کرکٹ کی دنیا سے اہم خبر:ویمنز ٹی ٹوئنٹی ورلڈ کپ کیلئے قومی اسکواڈ کا اعلان، ثناء میر ڈراپ

0
31

لاہور: کرکٹ کی دنیا سے اہم خبر:ویمنز ٹی ٹوئنٹی ورلڈ کپ کیلئے قومی اسکواڈ کا اعلان، ثناء میر ڈراپ،اطلاعات کےمطابق ویمنز ٹی ٹوئنٹی ورلڈ کپ 2020 کے لیے قومی خواتین کرکٹ ٹیم کا اعلان کردیا گیا، بسمہ معروف کپتان مقرر جبکہ سابق کپتان ثناء میر کو ڈراپ کردیا گیا۔

قومی ویمنز ٹیم کی چیف سلیکٹر عروج ممتاز نے کپتان بسمعہ معروف کے ہمراہ پریس کانفرنس کرکے ٹی ٹوئنٹی ورلڈ کپ 2020 کے لیے قومی ٹیم کا اعلان کیا۔عروج ممتاز نے کہا کہ ٹیم کی سلیکشن میں حالیہ پرفارمنس کو مد نظر رکھا گیا ہے، ثناء میر کی کارکردگی سب کے سامنے ہے۔وہ بہت تجربہ کار کھلاڑی ہیں لیکن ان کی حالیہ پرفارمنس کو مد نظر رکھتے ہوئے ڈراپ کیا گیا ہے۔

چیف سلیکٹر کا کہنا تھا کہ ہمارے پاس دیگر پلیئرز جو نیچے سے آر ہی ہیں اور پرفارم کر رہی ہیں ہم نے انہیں بہت پرکھا ہے، سب پرفارمنگ پلیئرز کو موقع ملنا چاہیے۔انہوں نے مزید کہا کہ انعم امین بھی نئے بال سے بالنگ کرتی ہیں اور ان کا بنگلہ دیش کے خلاف اچھا ریکارڈ ہے۔

عروج ممتاز نے کہا کہ جو نئی لڑکیاں ٹیم میں شامل کی گئی ہیں وہ بہت اچھی کھلاڑی ہیں۔ہمارا ٹیم کامبی نیشن اچھا ہے،ٹیم گراف میں وقت کے ساتھ ساتھ بہتری آرہی ہے۔انہوں نے کہا کہ مینز کرکٹ ٹیم کا ویمن کرکٹ سے موازنہ نہیں کرسکتے۔مینز کرکٹ میں مواقع بہت زیادہ ہوتے ہیں جبکہ ویمن کرکٹ میں محدود مواقع ہوتے ہیں۔

چیف سلیکٹر نے کا کہنا تھا کہ ٹی ٹوئنٹی ویمن ورلڈ کپ بہت بڑا ایونٹ ہے اور وہاں پریکٹس میچز بھی کھیلیں گے۔تمام ڈومیسٹک و انٹرنیشنل ٹورنامنٹس کو مد نظر رکھتے ہوئے ٹیم بنائی ہےعروج ممتاز نے کہا کہ ٹیم نوجوان کھلاڑیوں پر مشتل ہے۔ٹیم کی تمام لڑکیوں کی اوسط عمر 24 سال ہے۔

قومی ویمنز ٹیم ان کھلاڑیوں پر مشتمل ہے:بسمعہ معروف (کپتان)، ایمن انور، عالیہ ریاض، انعم امین، عائشہ نسیم، ڈیانہ بیگ، فاطمہ ثناء، ارم جاوید، جویریہ وددو، عمیمہ سہیل، سدرہ نواز،عمیمہ سہیل،سیدہ عروب شاہ، سعدیہ اقبال اور ندہ ڈار ۔ویمنز ٹی ٹوئنٹی ورلڈ کپ 21 فروری سے 8 مارچ تک آسٹریلیا میں کھیلا جائے گا۔

Leave a reply