دھاندلی کی پیداوار ہمیں انتخابی اصلاحات دے تو یہ قیامت کی نشانی ہے،مولانا فضل الرحمان

دھاندلی کی پیداوار ہمیں انتخابی اصلاحات دے تو یہ قیامت کی نشانی ہے،مولانا فضل الرحمان
مولانا فضل الرحمان کی زیر صدارت پی ڈی ایم کا سربراہی اجلاس ملتوی کر دیا گیا

اجلاس میں ڈاکٹر عبدالقدیر، ن لیگی رہنما پرویز ملک کے لئے فاتحہ خوانی کی گئی، اسکے بعد اجلاس کوملتوی کر دیا گیا،اجلاس میں مسلم لیگ ن کی قیادت بشمول نواز شریف ویڈیو لنک کے ذریعے شریک تھی ،مہنگائی، انتخابی اصلاحات بشمول ای وی ایم ایجنڈے میں شامل ہے نومبر اور دسمبر میں جلسوں کا شیڈول اور اسلام آباد مارچ ایجنڈے میں شامل ہے نیب ترمیمی آرڈیننس کے علاوہ دیگر اہم اور مختلف امور ایجنڈے کا حصہ تھا اجلاس میں موجودہ سیاسی صورت حال پر بھی غورکیا جانا تھا

آج پی ڈی ایم کا سربراہی اجلاس ڈاکٹر عبدالقدیر اور پرویز ملک کے فاتحہ خوانی کے بعد ختم کر دیا۔ اب پی ڈی ایم کا سربراہی اجلاس 18اکتوبر کو اسلام آباد میں ہو گا @MaryamNSharif @rajawaseem1511 pic.twitter.com/KlISQ3itBP

— ADNAN MALIK PMLN (@ADNANMALIKPMLN3) October 11, 2021

دوسری جانب پی ڈی ایم قیادت نے آج کا اجلاس ملتوی کرنے کا فیصلہ کیا ہے پی ڈی ایم کا سربراہی اجلاس 18 اکتوبر تک ملتوی کردیا گیا ہے، پی ڈی ایم کا اجلاس ن لیگی رکن قومی اسمبلی پرویز ملک کی وفات کی وجہ سے ملتوی کیا گیا ہے

جے یو آئی کے رہنما حافظ حمداللہ نے اجلاس ملتوی ہونے کے بعد کہا کہ پی ڈی ایم کا اجلاس ملتوی کردیا گیا ہے، تمام قائدین نے پی ڈی ایم اجلاس میں حاضری دی،ڈاکٹرعبدالقدیرکےانتقال پر افسوس ہوا، پرویز ملک اورآزاد کشمیرکے رکن کے انتقال پر دکھ ہوا، پی ڈی ایم کا اجلاس 18اکتوبرہو منعقد ہوگا،

پی ڈی ایم کے سربراہ مولانا فضل الرحمان کا کہنا تھا کہ قانون کسی ایک فرد کے لیے نہیں بنایا جاتا ،حکومت صدارتی آرڈیننس لاکر اپنی سہولت کیلئے قانون سازی کررہی ہے،یہ قانون سازی ایک اچھی مثال نہیں، پی ٹی آئی حکومت کو توسیع پی ڈی ایم نہیں کسی اور وجہ سے ملی ہے یہ حکومت نااہل اور نالائق ہے جو کچھ ڈیلیور نہیں کرسکی،تحریک انصاف کی نااہلی پاکستان کی تاریخ کا حصہ بن چکی ہے، ہم سڑکوں پر آکر اسے آشکار نہ کرتے تو یہ کبھی تاریخ کا حصہ نہیں بنتی دھاندلی کی پیداوار ہمیں انتخابی اصلاحات دے تو یہ قیامت کی نشانی ہے،

مناسب ہے کہ میرے معاملات سے فاصلہ رکھیں ،عامر لیاقت کی فواد چودھری کو وارننگ

پاکستان میں کورونا سے مجموعی اموات 28ہزار سے تجاوز