ممتاز حیدر
پہلگام ڈرامہ، بھارت کو سچ برداشت نہ ہوا، پاکستانی یوٹیوب چینل بھارت میں بند کر دیئے
بھارت کی حکومت نے پیر کے روز پاکستان سے تعلق رکھنے والے درجنوں یوٹیوب چینلز پر پابندی عائد کر دی ہے۔ بھارتی حکومتی ذرائع کے مطابق یہ فیصلہ پہلگام حملے کے بعد پاکستان کی جانب سے پروپیگنڈے کے پھیلاؤ کی روک تھام کے لیے کیا گیا ہے۔حالانکہ حقیقت یہ ہے کہ بھارت پہلگام ڈرامے کے بعد خود پروپیگنڈہ کر رہا ہے
بھارتی حکومت نے ان چینلز پر کریک ڈاؤن کرتے ہوئے انہیں ملک میں بلاک کر دیا ہے۔ ان میں اہم پاکستانی کرکٹر شعیب اختر کا یوٹیوب چینل اور معروف پاکستانی اینکر آرزو کاظمی کا چینل بھی شامل ہیں۔بھارت نے جن یوٹیوب چینلز کو انڈیا میں بند کیا ان میں ڈان ٹی وی،جیو ٹی وی،سما ٹی وی، اے آر وائی،سما سپورٹس، جی این این،عمر چیمہ،عاصمہ شیرازی،منیب فاروق و دیگر کے چینل شامل ہیں،بھارتی حکومت کا کہنا ہے کہ ان چینلز کے ذریعے بھارت مخالف مواد، مخصوص نکتہ نظر اور جھوٹی خبریں پھیلائی جا رہی تھیں، جس سے بھارتی عوام میں بے چینی پیدا ہو رہی تھی اور خطے میں کشیدگی بڑھ رہی تھی۔
بھارتی حکام کا کہنا ہے کہ یوٹیوب چینلز کی پابندی کا سلسلہ ابھی ختم نہیں ہوا اور مستقبل میں دیگر چینلز اور سوشل میڈیا پلیٹ فارمز کے خلاف بھی کارروائی کی جا سکتی ہے جو جھوٹی معلومات کی حمایت کرنے والے مواد کو فروغ دے رہے ہیں۔
