عدالتی حکم سمجھ نہیں آتا ہے تو نوکری چھوڑ دیں،پرویز الہیٰ کو رہا نہ کرنے پر عدالت برہم

باغی ٹی وی کی رپورٹ کے مطابق تحریک انصاف کے صدر پرویز الہیٰ کو ابھی تک رہا نہ کیا جا سکا

پنجاب اسمبلی میں بھرتیوں میں بد عنوانی کے کیس میں سابق وزیر اعلی پنجاب اور تحریک انصاف کے صدر پرویز الہٰی کی رہائی کی روبکار پر جیل حکام کے اعتراض عائد کرنے پر عدالت نے سخت برہمی کا اظہار کیا۔ جیل حکام نے اعتراضات عائد کرتے ہوئے درخواست اینٹی کرپشن کورٹ میں دائر کی ،جس میں کہا گیا کہ عدالت کا مشروط حکم سمجھ نہیں آ رہا وضاحت کی جائے

پنجاب اسمبلی میں میرٹ کے بغیر بھرتیوں کے معاملے پر جیل حکام نے چوہدری پرویز الہٰی کی رہائی کی روبکار پر اعتراض عائد کر دیا ،عدالت نے کیمپ سپرنٹنڈنٹ جیل اور ڈپٹی سپرنٹنڈنٹ کو شوکاز نوٹس جاری کر دیا عدالت نے کہا ہے کہ آپ نے روبکار جاری ہونے کے باوجود ملزم کو رہا کیوں نہیں کیا، وضاحت کریں

عدالت نے ڈی آئی جی جیل خانہ جات کو طلب کیا تو ڈی آئی جی جیل خانہ جات اینٹی کرپشن عدالت میں پیش ہوئے ،عدالت نے کہا کہ جب آپ کو روبکار جاری کر دی پھر عدالتی حکم پر عملدرآمد کیوں نہیں ہوا، پولیس سے کسی کیس کا ریکارڈ منگوا لیں تو وہ بھی ان کو سمجھ نہیں آتا؟ عدالت نے سوال کیا کہ کیا پولیس عدالتوں سے بڑی ہو گئی ہے؟ اگر آپ کو عدالتی حکم سمجھ نہیں آتا ہے تو نوکری چھوڑ دیں، پہلے عدالتی حکم پر عملدرآمد کریں پھر شوکاز نوٹس کو دیکھتے ہیں .سپرنٹنڈنٹ کیمپ جیل کو جاری شوکاز نوٹس پر سماعت 14جولائی تک ملتوی کر دی گئی

دوسری جانب پرویز الہیٰ کیمپ جیل میں ہیں، کیمپ جیل کے باہر پولیس کی بھاری نفری موجود ہے، کیمپ جیل میں پرویز الہیٰ کی رہائی کا انتظار کیا جا رہا ہے تو دوسری جانب انہیں کسی اور مقدمے میں گرفتار کئے جانے کا امکان تھا تا ہم ابھی تک پرویز الہیٰ کو رہائی نہیں مل سکی،

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو