fbpx

پیمرا نے”بول”نیوز کی بولتی ایک بارپھربند کردی: صحافتی حلقوں کی طرف سےمذمت

حکراچی :پیمرا نے”بول”نیوز کی بولتی ایک بارپھربند کردی ،اطلاعات کے مطابق زادی صحافت پر پیمرا کا وار، بول نیوز کی نشریات بند کردی گئیں۔

بول کے ڈائریکٹر نیوز سمیع ابراہیم نے پیمرا کی جانب سے بول نیوز کی نشریات بند کرنے پر ویڈیو پیغام جاری کرتے ہوئے کہا کہ حکومت نے پیمرا کے ذریعے بول نیوز کی نشریات کو بند کروا دیا۔

دوسری جانب سیاسی، سماجی اور صحافتی شخصیات نے بول نیوز کی بندش کی مذمت کی ہے۔

بول ٹی وی کی نشریات بند کرنے پر الیکٹرونک میڈیا رپورٹرز ایسوسی ایشن (ایمرا) نے شدید الفاظ میں مذمت کرتے ہوئے کہا کہ بول نیوز کی نشریات بند کرنا صحافت پر حملہ ہے۔

پاکستان میڈیا ریگولیٹر اتھارٹی کی جانب سے بول نیوز ٹی وی کی بندش کے اقدام کی لاہور پریس کلب کی جانب سے شدید مذمت کی گئی ہے-لاہور پریس کلب کے صدر ارشد انصاری ، سینئر نائب صدر جاوید فاروقی ، نائب صدر سلمان قریشی، سیکرٹری زاہد چوہدری ، جوائنٹ سیکرٹری خواجہ نصیر ، خزانچی زاہد شیروانی اور اراکین گورننگ باڈی نے بول نیوز کی بندش کو آزادی اظہار پر پابندی قرار دیتے ہوئے مطالبہ کیا ہے کہ پیمرا کی جانب سے بول نیوز کی بندش خلاف قانون ہے اس اقدام کو فی الفور واپس لیا جائے .

ادھر اس حوالے سے پاک سر زمین پارٹی کے چیئرمین مصطفیٰ کمال نے بول نیوز کی نشریات معطل ہونے پر اظہار تشویش کرتے ہوئے کہا کہ مہذب ممالک میں آزادی صحافت پر قدغن کا تصور نہیں ہے، بول ٹی وی کی نشریات فوری طور پر بحال کی جائیں۔

پاکستان تحریک انصاف کے رکن سندھ اسمبلی کا کہنا ہے کہ بول نیوز کی نشریات پر پابندی آزادی اظہار کا گلا گھونٹنے کے مترادف ہے۔لاہور ہائیکورٹ بار ایسوسی ایشن نے بھی بول نیوز کی نشریات بند کرنے کی شدید مذمت کی ہے۔

Facebook Notice for EU! You need to login to view and post FB Comments!