سعد فاروق
پاکستان پیپلز پارٹی اور پاکستان مسلم لیگ ن میں ناراضگی، حکومت کی جانب سے پیپلزپارٹی سے ایک بار پھر رابطہ کیا ہے۔
باغی ٹی وی کے مطابق رابطہ کرنے پر پی پی قیادت نے کینالز لنک کے مطالبہ سے پیچھے ہٹنے سے انکار کرتے ہوئے کہا کہ نہروں کا فیصلہ واپس لینا پی پی کا یک نکاتی مطالبہ ہے، پیپلزپارٹی نہروں کے مطالبہ سے ایک انچ پیچھے نہیں ہٹے گی۔ ذرائع نے تصدیق کی کہ حکومت نے پیپلزپارٹی کو پرکشش آفرز کی ہیں، تاہم پی پی نے حکومت کی تمام پیشکشیں مسترد کرتے ہوئے آفرز کے بجائے سی سی آئی کا اجلاس بلانے کا مطالبہ کیا ہے۔
اس بارے بات کرتے ہوئے ذرائع کا کہنا ہے کہ حکومت نے پیپلزپارٹی کو ترقیاتی منصوبوں کیلئے بھاری فنڈنگ کی آفرز کرتے ہوئے سکھر موٹروے کیلئے فنڈز فراہمی کی یقین دہانی کرائی، اس کے علاوہ سندھ، بلوچستان کے منصوبے پی ایس ڈی پی میں لینے کی آفر بھی کی۔پیپلزپارٹی نے حکومت کو جواب میں کہا کہ جینا مرنادریائے سندھ کے ساتھ ہے، جبکہ پی پی اٹھارہ اپریل سے سڑکوں پر دمادم مست قلندر کرے گی، حکومت نے مجبور کیا تو فیصلے سڑکوں پر عوام کے ساتھ ہوں گے۔
شاہی سید کی ایم کیو ایم کے مرکز آمد،رہنماؤں سے ملاقات
سندھ میں کل سےموسم شدید گرم ،ہیٹ ویو کی پیشنگوئی
ایران ، امریکہ جوہری مذاکرات ، وائٹ ہاؤس کی جانب سے مثبت قرار
اپووا کی سالانہ خواتین کانفرنس، ایک یادگار لمحہ.تحریر:نور فاطمہ
