پیپلز پارٹی نے جج ارشد ملک کے مبینہ ویڈیو سکینڈل سے متعلق سپریم کورٹ‌ سے بڑا مطالبہ کر دیا

پیپلز پارٹی نے عدلیہ کی ساکھ پر سوالات اٹھاتے ہوئے سپریم کورٹ آف پاکستان سے فی الفور نوٹس لینے کا مطالبہ کیا ہے.

باغی ٹی وی کی رپورٹ‌ کے مطابق سیکرٹری جنرل پاکستان پیپلز پارٹی نیئر حسین بخاری نے کہا ہے کہ عدلیہ کی ساکھ پر سوالات افسوسناک ہیں،سپریم کورٹ وڈیو لیک پر کھلی سماعت کرے، آزاد عدلیہ کاتصوریقینی بنانے کیلیے سپریم کورٹ انصاف سربلند کرنے میں کردار ادا کرے، پی پی پی ماضی کے حقائق سامنے لانے کا مطالبہ کرتی ہے، شہید ذوالفقار علی بھٹو کی روح کئی دہائیوں سے انصاف کی منتظر ہے،

پیپلز پارٹی کے رہنما نیئر بخاری نے کہاکہ جسٹس(ر)نسیم حسین شاہ کااعتراف رکارڈ پرموجود ہے،جسٹس (ر) عبدالقیوم کی گفتگو افشا ہو چکی، نیب کےچیئرمین جسٹس(ر)جاوید اقبال یکطرفہ احتساب سے متنازع ہوچکے ہیں، واضح رہے کہ مریم نواز نے کل ایک ویڈیو پیش کر کے جج ارشد ملک پر سنگین الزامات لگائے اور کہا تھا کہ انہوں نے نواز شریف کے خلاف فیصلہ دباؤ اور کسی کے کہنے پر کیا ہے.

جواب چھوڑیں

آپ کا ای میل ایڈریس شائع نہیں کیا جائے گا.