fbpx

کورونا کیسز کی تعداد میں بدستور اضافہ ، پشاور کے 5 مختلف علاقوں میں اسمارٹ لاک ڈاؤن نافذ

کورونا کیسز کی تعداد میں بدستور اضافہ ، پشاور کے 5 مختلف علاقوں میں اسمارٹ لاک ڈاؤن نافذ کر دیا گیا نوٹیفیکیشن بھی جاری-

باغی ٹی وی : ضلعی انتظامیہ کی جانب سے جاری کردہ نوٹیفیکیشن کے مطابق شہر کے 5 مختلف علاقوں میں آج رات 9 بجے سے اسمارٹ لاک ڈاؤن ہو گا۔ جن علاقوں میں اسمارٹ لاک ڈاؤن نافذ کیا جا رہا ہے ان میں فقیرآباد، حیات آباد فیز6، فیصل کالونی، زریاب کالونی اور اعجاز آباد شامل ہیں۔

نوٹیفیکیشن کے مطابق اسمارٹ لاک ڈاؤن کے دوران مذکورہ علاقوں میں غیرضروری نقل وحرکت پر پابندی رہے گی –

واضح رہے کہ ملک بھر میں کورونا کیسز کی تعداد میں بدستور اضافہ سامنے آ رہا ہے جس کے باعث گزشتہ روز اسلام آباد کی انتظامیہ نے16 گلیوں کو سیل کرنے کا نوٹیفکیشن جاری کیا تھا جس کے مطابق سیکٹر جی سیون ٹو کی گلی نمبر 54 اور 56 کو جبکہ سیکٹر آئی ٹین ٹو کی گلی نمبر 9 ، سیکٹر جی نائن ٹو کی گلی نمبر ایک، سیکٹر جی نائن ون کی گلی نمبر 34 اور 52 سیکٹر ای الیون 4 کی گلی نمبر 11 ، سیکٹر آئی ٹین 4 کی گلی نمبر 112 ، سیکٹر جی نائن 3 کی گلی نمبر 2، 8، 10، 70، 77، 122، 125 اور 126 میں میں بھی اسمارٹ لاک ڈاون نافذ کیا گیا-

کورونا کیسز میں اضافہ: اسلام آباد کے مختلف علاقے سیل کرنے کا فیصلہ