پشاور کے شہریوں کیلئے اچھی خبر،بی آر ٹی منصوبے کے افتتاح کا اعلان،وزیراعظم کریں گے افتتاح

0
21

باغی ٹی وی کی رپورٹ کے مطابق پشاور کے شہریوں کیلئے اچھی خبر،بی آر ٹی منصوبے کے افتتاح کا اعلان کر دیا گیا

پشاور میں وزیراعظم عمران خان 13 اگست کو بی آر ٹی پشاور کا افتتاح کریں گے

وزیراعظم عمران خان کے ہمراہ وزیراعلیٰ خیبرپختونخوا محمود خان بھی ہوں گے،وزیراعظم عمران خان کو بی آر ٹی پشاور سے متعلق بریفنگ بھی دی جائے گی

بی آر ٹی تحریک انصاف کا وہ منصوبہ ہے جس پر اپوزیشن کی جانب سے شدید تنقید کی جار ہی ہے، بی آر ٹی کا ماضی میں بھی کئی بار افتتاح کا اعلان کیا گیا لیکن افتتاح نہ ہو سکا، اب حکومت نے بی آر ٹی کے افتتاح کا اعلان کر دیا ہے.

پشاور بی آر ٹی پل سے لوہے کی بھاری پلیٹیں گاڑی پر گرگئیں

بی آر ٹی منصوبہ، تحقیقات کے خلاف خیبر پختونخواہ حکومت نے بڑا قدم اٹھا لیا

ایک قدم آگے تو 2 قدم پیچھے والی مثال صادق آتی ہے، بی آر ٹی منصوبہ کیس پر سپریم کورٹ کے ریمارکس

قبل ازیں 3 روز قبل رکن سندھ اسمبلی ارسلان تاج اور عدیل احمد نے خیبر پختونخواہ کے وزیر ٹرانسپورٹ شاہ محمد وزیر کے ہمراہ بی آر ٹی پشاور میں سفر کیا

ارسلان تاج کا کہنا تھا کہ مراد علی شاہ پشاور آ کر کچھ سیکھیں اور سندھ میں بھی کوئی منصوبہ بنائیں۔ صوبائی وزیر شاہ محمد کا کہنا تھا کہ بلاول زرداری کو بی آر ٹی پشاور میں سفر کرنے کی دعوت دیتے ہیں۔ عدیل احمد رکن سندھ اسمبلی کا کہنا تھا کہ بلاول زرداری بی آر ٹی پشاور آکر دیکھیں اور کچھ شرم کریں۔

ارسلان تاج کا کہنا تھا کہ پی ٹی آئی کی حکومت نے پشاور کو تبدیل کر دیا،پی پی پی نے شہری سندھ میں ترقی کرنے کے بجائے موئن جو درو بنا دیا

صوبائی وزیر شاہ محمد کا کہنا تھا کہ بی آر ٹی پشاور منصوبہ مکمل ہو چکا جلد افتتاح ہوگا۔ عدیل احمد کا کہنا تھا کہ پی ٹی آئی کی قیادت نے جس طرح پشاور کو بدلا ہے بلاول زرداری لاڑکانہ اور سندھ کو بدلیں۔

وزیراعظم عمران خان نے جون 2020 میں پشاور بس ریپڈ منصوبے کا فیتہ کاٹنا تھا لیکن کورونا وائرس کے سبب تاخیر ہوئی۔ بی آرٹی منصوبے کا افتتاح کرنے کیلئے نو بار تاریخ دی چکی ہے۔

حکومت نے بی آر ٹی منصوبے کو 49 ارب روپے کی لاگت سے 6 ماہ میں مکمل کرنے کا دعویٰ کیا تھا تاہم 80 ارب سے زائد رقم خرچ ہونے کے بعد ڈھائی سال سے زائد عرصے میں بھی اس منصوبہ کا افتتاح نہیں کیا جا سکا۔ بی آر ٹی منصوبے میں تاخیر پر وفاقی تحقیقاتی ادارے ایف آئی اے نے تحقیقات کا آغاز کیا تھا تاہم حکومتی درخواست پر سپریم کورٹ نے ایف آئی اے کو بی آر ٹی منصوبے کی تحقیقات روکنے کا حکم جاری کیا۔

پشاور ہائی کورٹ نے بی آر ٹی منصوبے کے بارے میں دائر پیٹیشن پر تفصیلی فیصلہ جاری کیا تھا جس میں ایف آئی اے سے کہا گیا کہ وہ 45 روز میں اس منصوبے کی انکوائری مکمل کرے اور ذمہ داران کے خلاف کارروائی عمل میں لائے۔ بی آر ٹی منصوبے میں منصوبہ بندی کے فقدان کے باعث بار بار جو تبدیلیاں کی گئیں ان سے نہ صرف منصوبہ تاخیر کا شکار ہوا بلکہ منصو بے کی لاگت بھی بڑھ گئی ہے.

اب وزیراعظم عمران خان 13 اگست کو منصوبے کا افتتاح کریں گے

Leave a reply